Mannauðsstjóri A4 – tímabundið starf

Við leitum að öflugum og drífandi mannauðsstjóra til að leiða mannauðsmál A4 í fjölbreyttu og lifandi starfsumhverfi.

Mannauðsstjóri gegnir lykilhlutverki í að styðja við stjórnendur og starfsfólk og tryggja að mannauðsmál séu í takt við stefnu, markmið og menningu fyrirtækisins. Starfið er fjölbreytt og felur í sér bæði stefnumótandi og dagleg mannauðsverkefni. Mannauðsstjóri á sæti í framkvæmdastjórn félagsins.

Um er að ræða tímabundið starf til 12 mánaða og er æskilegt að viðkomandi geti hafið störf sem fyrst.

Helstu verkefni og ábyrgð

• Yfirumsjón og stjórnun mannauðsmála
• Ráðgjöf og stuðningur við stjórnendur og starfsfólk
• Ráðningar, móttaka nýliða og nýliðaþjálfun í samstarfi við stjórnendur
• Stefnumótun, þróun og eftirfylgni mannauðsstefnu
• Mótun fræðslustefnu og eftirfylgni með fræðsluáætlun
• Þróun ferla og umbætur á sviði mannauðsmála
• Ábyrgð á jafnlaunastaðli og eftirfylgn
• Öryggismál
• Launa- og kjaramál, túlkun kjarasamninga og samskipti við stéttarfélög varðandi réttindi starfsfólks

Menntunar- og hæfniskröfur

• Háskólapróf sem nýtist í starfi
• Góð reynsla og þekking á mannauðsstjórnun
• Reynsla af ráðgjöf við stjórnendur
• Framúrskarandi samskipta- og samstarfshæfni
• Frumkvæði, skipulagshæfni og sjálfstæði í starfi
• Traust og fagleg framkoma
• Reynsla af kjarasamningum, jafnlaunamálum eða stefnumótunarvinnu er kostur

Umsóknarfrestur er til og með 10. nóvember 2026.

Upplýsingar um starfið veitir Thelma Dögg Ingadóttir, mannauðsstjóri í síma 663-5116 eða í [email protected].

A4 er framsækið fyrirtæki sem leggur metnað sinn í að vera í fararbroddi á sviði skrifstofu- og skólavara, skapandi vara, ferðavara og húsgagna. A4 leggur áherslu á góða og trausta þjónustu við viðskiptavini. Við erum stolt af því að geta boðið upp á heimsþekkt vörumerki sem eiga það öll sameiginlegt að vera í háum gæðaflokki. A4 rekur einnig Kubbabúðina í Smáralind. Hjá fyrirtækinu starfa um 130 starfsmenn.