Laus störf Hæfnileit Vinnustaðir Námskeið

Hafrannsóknastofnun

Hafrannsóknastofnun er stærsta rannsóknastofnun landsins á sviði haf- og vatnarannsókna og gegnir auk þess ráðgjafarhlutverki varðandi skynsamlega nýtingu og verndun auðlinda hafs og vatna. Stofnunin heyrir undir matvælaráðuneytið. Stofnunin rekur, auk aðalstöðvar í Hafnarfirði, starfsstöðvar vítt og breitt um landið, tilraunaeldisstöð, tvö rannsóknaskip og hjá stofnuninni starfa að jafnaði um 190 manns í fjölbreyttum störfum.

Vinnustaðurinn

Mannauðs- og launafulltrúi

Hafrannsóknastofnun auglýsir eftir öflugum og traustum mannauðs- og launafulltrúa til starfa sem fyrst.
Um er að ræða 100% starf.

Menntunar- og hæfniskröfur

Reynsla af launabókhaldi er nauðsynleg.

Menntun sem nýtist í starfi.

Góð kunnátta og færni í Excel.

Þekking á kjarasamningum og lögum um réttindi og skyldur starfsmanna.

Þekking á Orra launa- og mannauðskerfi er kostur.

Þekking á Vinnustund eða öðru sambærilegu tímaskráningarkerfi er kostur.

Nákvæmni, frumkvæði, skipulagshæfni og sjálfstæði í vinnubrögðum.

Rík þjónustulund, jákvæðni og góð hæfni í mannlegum samskiptum.

Góð íslensku og enskukunnátta, bæði í ræðu og riti.

Helstu verkefni og ábyrgð

Umsjón með og ábyrgð á launabókhaldi Hafrannsóknastofnunar, t.d. útreikningi og greiðslu launa, skilum launatengdra gjalda og stöðu orlofsskuldbindinga.

Umsjón og ábyrgð með skráningum og uppgjörum í mannauðs- og launakerfi Orra og Vinnustund.

Túlkun kjarasamninga og eftirlit með framkvæmd þeirra.

Önnur tengd verkefni

Ábyrgð með skráningu starfsmanna í tímaskráningakerfið Vinnustund og umsjón með kerfinu.

Upplýsingagjöf til starfsfólks um launa- og kjaramál.

Greiningarvinna, samantektir og úrvinnsla á sviði Kjara- og launamála.

Straumlínulaga ferla og verklag er snúa að launa- og mannauðsmálum

Frekari upplýsingar um starfið

Sótt er um starfið í gegnum ráðningarkerfi Orra.
Mikilvægt er að umsækjandi geti hafið störf sem fyrst.

Laun samkvæmt gildandi kjarasamningi sem fjármála- og efnahagsráðherra og viðeigandi stéttarfélag hafa gert.

Umsókn skal fylgja:

Ítarleg ferilskrá
Kynningarbréf þar sem gerð er grein fyrir ástæðu umsóknar og rökstuðningur fyrir hæfni umsækjanda í starfið
Tilnefna skal tvo meðmælendur

Gerð er krafa um að umsækjendur hafi hreint sakavottorð.
Öllum umsóknum verður svarað þegar ákvörðun um ráðningu hefur verið tekin. Ófullnægjandi umsóknir eru ekki teknir til greina. Umsókn getur gilt í sex mánuði eftir að umsóknarfresti lýkur.
Hafrannsóknarstofnun áskilur sér jafnframt rétt til að hafna öllum umsóknum.
Við ráðningu í störf hjá Hafrannsóknastofnun er tekið mið af jafnréttisáætlun stofnunarinnar.

Nánari upplýsingar veitir

Berglind Björk Hreinsdóttir, mannauðsstjóri - [email protected] - 891 6990

Auglýsing birt15. júlí 2021

UmsóknarfresturEnginn

Tungumálahæfni

Engar sérstakar tungumálakröfur

Staðsetning

Fornubúðir 5, 220 Hafnarfjörður

Starfstegund

Hæfni