Laus störf Hæfnileit Vinnustaðir Námskeið

Akureyri

Akureyrarbær er stór vinnustaður með rúmlega 2.000 starfsmenn. Á hverju vori fjölgar starfsfólki um nálægt 1.200 manns vegna sumarafleysinga og vinnuskólans. Starfsfólk Akureyrarbæjar sinnir margvíslegum verkefnum sem tryggja velferð og ánægju íbúa Akureyrar, hvort sem um er að ræða störf við leik- eða grunnskóla, íbúakjarna, rekstur mannvirkja, stjórnsýslu eða annað.

Vinnustaðurinn

Lundarskóli á Akureyri: Sérkennari

Við Lundarskóla á Akureyri er laus til umsóknar 100% staða sérkennara á eldra stigi. Um er að ræða ótímabundna ráðningu frá og með 1. ágúst 2026.

Leitað er að einstaklingi með metnað, sem sýnt hefur árangur í störfum sínum og leggur áherslu á vellíðan nemenda í samstarfi við aðra starfsmenn og stjórnendur skólans.

Lundarskóli er staðsettur við Dalsbraut og er fjöldi nemenda um 485 og 95 starfsmenn. Í skólanum er unnið með SMT skólafærni og heilsueflandi skóla. Lundarskóli leggur áherslu á teymisvinnu og framþróun í skólastarfi.

Einkunnarorð skólans eru ábyrgð, virðing, vellíðan.

Viltu vita meira? Kíktu í rafræna heimsókn www.lundarskoli.is/

Helstu verkefni og ábyrgð

Er hluti af stoðteymi skólans ásamt sérkennurum, þroskaþjálfa, námsráðgjafa og ÍSAT kennara
Sinnir sérkennslu og heldur utan um nám nemenda sem þurfa sértæka aðstoð í námi í samvinnu við umsjónarkennara og tekur þátt í lausnaleit og vinnu hvað varðar þátttöku þeirra í daglegu skólastarfi
Aðstoðar umsjónarkennara við gerð einstaklingsmiðaðra náms- og stundaskráa
Veitir kennurum, nemendum og foreldrum ráðgjöf varðandi nám, kennslu og námsgögn
Útbýr kennslugögn í samræmi við þarfir einstakra nemanda.
Sækir teymisfundi vegna nemenda og er teymisstjóri í nemendamálum skv. samkomulagi við deildarstjóra stoðþjónustu
Tekur þátt í þróunarstarfi stoðþjónustu skólans
Starfar undir stjórn deildarstjóra og skólastjóra skólans
Ber ábyrgð á starfi sínu gagnvart skólastjóra
Sérkennari fylgir stefnu skólans í starfi

Menntunar- og hæfniskröfur

Kennaramenntun og réttindi til kennslu í grunnskóla
Framhaldsnám á svið sérkennslu er æskilegt
Reynsla af kennslu og/eða sambærilegu starfi með börnum og unglingum æskileg
Réttindanám í LOGOS er æskilegt
Hefur á valdi sínu fjölbreyttar kennsluaðferðir sem taka mið af mismunandi þörfum, áhuga og getu nemenda
Þekking og reynsla af teymisvinnu og teymiskennslu
Góð þekking á kennslu- og uppeldisfræði
Áhugi á kennslu og vinnu með börnum og unglingum
Áhugi og metnaður til að vinna með stoðþjónustuteymi skólans og fylgja stefnu og sýn skólans
Frumkvæði og samstarfsvilji
Sveigjanleiki og víðsýni í starfi og samskiptum
Góðir skipulagshæfileikar
Hæfni í mannlegum samskiptum
Að vera reiðubúinn til að leita nýrra leiða í skólastarfi og áhugi á þróunarstarfi
Reglusemi og samviskusemi
Gott vald á íslensku, bæði í töluðu og rituðu máli
Gerð er krafa um vammleysi, s.s. að vera með gott orðspor og að framkoma og athafnir á vinnustað og utan hans samrýmist starfinu

Umsókninni skal fylgja greinargóð skýrsla um störf umsækjanda, menntun, starfsreynslu og þau verkefni sem hann hefur unnið að og geta varpað ljósi á færni hans til að sinna starfi náms- og starfsráðgjafa.

Þá skal fylgja umsókninni greinargerð um hugmyndir umsækjenda og sýn þeirra á starfið.

Tekið verður tillit til Mannréttindastefnu Akureyrarbæjar um jafnréttismál við ráðningu í starfið.

Laun eru samkvæmt kjarasamningi Sambands íslenskra sveitarfélaga og Kennarasambands Íslands vegna Félags grunnskólakennara.

Upplýsingar um kaup og kjör veitir launadeild Akureyrarbæjar:[email protected]

Allar nánari upplýsingar veitir Maríanna Ragnarsdóttir skólastjóri í netfangi [email protected] eða í síma 4624888.

Einungis er tekið á móti rafrænum umsóknum á heimasíðu Akureyrarbæjar: www.akureyri.is

Umsóknarfrestur er til og með 6. mars 2026.

Auglýsing birt20. febrúar 2026

Umsóknarfrestur6. mars 2026

Tungumálahæfni