Sérkennari hjá Hringsjá
Hringsjá endurhæfing óskar eftir sérkennara til starfa. Leitað er að jákvæðum og skipulögðum kennara í 100% starf.
Hringsjá er endurhæfingarstöð með fjölbreyttar endurhæfingarleiðir. Endurhæfingin felst m.a. í einstaklingsmiðuðu einingabæru námi með sérhæfðri ráðgjöf og stuðningi. Í Hringsjá starfar samhentur hópur og áhersla er lögð á þverfaglega teymisvinnu.
Starfið er fjölbreytt, krefst faglegra vinnubragða og sjálfstæðis í starfi. Viðkomandi mun sinna sérkennslu hjá Hringsjá ásamt því að vinna í þverfaglegu teymi á endurhæfingarstöðinni.
Ábyrgð á sérkennslu og skipulagi hennar hjá þátttakendum í námsendurhæfingu hjá Hringsjá.
- Viðurkennd kennsluréttindi
- Sérkennsluréttindi og/eða nám í sérkennslu er skilyrði
- Sveigjanleiki í starfi og fagleg vinnubrögð
- Hæfni í mannlegum samskiptum
- Frumkvæði og hæfni til að tileinka sér og innleiða nýjungar í starfi
- Mjög góð hæfni í íslensku og ensku, kostur að hafa góða almenna tungumálakunnáttu
- Þekking á LOGOS er kostur
Vinnuvika starfsfólks í fullri vinnu er 36 stundir. Starfsemi fylgir skóladagatali framhaldsskóla (páskafrí, jólafrí, vetrarleyfi á sama tíma og hjá grunnskólum Reykjavíkur).
Íslenska
Enska
