Árnason Faktor

Árnason Faktor sérhæfir sig í ráðgjöf og við vernd hugverka með sérstaka áherslu á þjónustu við íslenskt atvinnulíf. Starfsfólk okkar hefur áratuga reynslu á sviði hugverkaréttar og leggjum við mikla áherslu á þjálfun og þekkingaruppbyggingu starfsmanna fyrir viðskiptavini okkar. Starfsmenn okkar hafa menntun og reynslu á sviði laga-, tækni-, raun- og hugvísinda.

Vinnustaðurinn

Lögfræðingur

Árnason Faktor óskar eftir að ráða lögfræðing til starfa. Leitað er að kraftmiklum og metnaðarfullum einstaklingi sem hefur áhuga á að vinna í sterku teymi starfsmanna fyrirtækisins.

Helstu verkefni og ábyrgð

Almenn ráðgjöf á sviði hugverkaréttar og þá sérstaklega á sviði vörumerkja, hönnunar, léna og einkaleyfa.
Almenn ráðgjöf hvað varðar önnur auðkenni og hugverk í atvinnustarfsemi.
Almennt utanumhald og rekstur mála fyrir framangreind réttindi.
Skrif greinargerða og rökstuðnings, samskipti við innlenda og erlenda viðskiptavini og stofnanir.
Samningagerð og önnur lögfræðileg vinna sem tengist hugverkum.

Menntunar- og hæfniskröfur

Háskólagráða í lögfræði, cand.jur. eða meistaragráða (5 ára nám í lögfræði áskilið).
Lögmannsréttindi er kostur.
A.m.k. 3ja ára starfsreynsla.
Áhugi og þekking á hugverkarétti æskileg og þá sérstaklega hugverkarétti á sviði iðnaðar.
Mjög góð íslensku- og enskukunnátta og hæfni til að tjá sig í ræðu og riti.
Framúrskarandi samskiptafærni og geta til að starfa í teymi.
Skipulagshæfileikar, samviskusemi, sjálfstæði og áreiðanleiki.

Umsóknarfrestur er til og með 7. júlí n.k.

Umsóknir óskast fylltar út á www.vinnvinn.is

Við hvetjum áhugasama til að sækja um, óháð kyni og uppruna.

Umsókn skal fylgja ferilskrá og ítarlegt kynningarbréf þar sem gerð er grein fyrir ástæðu umsóknar og rökstuðningur um hæfni viðkomandi til að gegna starfinu.

Umsjón með starfinu hafa Auður Bjarnadóttir (audur@vinnvinn.is) og Hilmar G. Hjaltason (hilmar@vinnvinn.is)

Auglýsing stofnuð29. júní 2024

Umsóknarfrestur7. júlí 2024

Tungumálahæfni