Leikskólakennari óskast í Sólhvörf
Leikskólinn Sólhvörf óskar eftir leikskólakennara.
Leikskólinn Sólhvörf tók til starfa árið 2008 og þar dvelja um 115 börn á sex deildum. Sólhvörf fylgir áherslum Hugsmíðahyggjunnar í uppeldisstarfi leikskólans með áherslu á sjálfræði barnsins. Einkunarorð skólans eru Virðing, Sjálfræði og Virkni.
Heimasíðan okkar er: https://solhvorf.kopavogur.is/
Menntunar- og hæfniskröfur
· Leikskólakennaramenntun eða önnur uppeldismenntun.
· Ábyrgur og jákvæður einstaklingur sem á auðvelt með mannleg samskipti.
· Sjálfstæð vinnubrögð.
· Góð íslenskukunnátta.
Ef ekki fæst leikskólakennari verður ráðinn starfsmaður með aðra uppeldismenntun eða leiðbeinandi.
Ráðningartími og starfshlutfall
· Æskilegt er að viðkomandi geti hafið störf sem fyrst.
· Starfshlutfall er 100% .
Frekari upplýsingar
Laun eru samkvæmt kjarasamningi Launanefndar sveitarfélaga og viðkomandi stéttarfélags.
Helstu verkefni og ábyrgð:
· Starfið felur í sér almenna kennslu.
· Vinnur að uppeldi og menntun barnanna.
· Tekur þátt í gerð skólanámskrár, mati á starfsemi leikskólans og þróunarverkefnum undir stjórn leikskólastjóra.
· Tekur þátt í skipulagningu faglegs starfs deildarinnar undir stjórn deildarstjóra.
· Vinnur í nánu samstarfi við foreldra/forráðamenn barnanna.
· Sinnir þeim verkefnum er varðar uppeldi og menntun barnanna sem yfirmaður felur honum.
Þeir sem ráðnir eru til starfa í leikskólum Kópavogs þurfa að undirrita heimild til að afla upplýsinga úr sakaskrá.
Nánari upplýsingar veita Eyja Bryngeirsdóttir, leikskólastjóri og Gerður Magnúsdóttir, aðstoðarleikskólastjóri í síma 4417700.
Karlar jafnt sem konur eru hvött til að sækja um starfið.
