Laus störf Hæfnileit Vinnustaðir Námskeið

Núpur

Núpur er 5 deilda leikskóli staðsettur við Núpalind í Kópavogi. Í leikskólanum geta dvalið 99 börn. Einkunnarorð leikskólans eru sjálfstæði og sköpun í samvinnu og gleði en þau fela í sér stefnu leikskólans. Stefna leikskólans er að börn verði sjálfstæðir einstaklingar sem þekkja sín takmörk í samskiptum við aðra og finni möguleika sína til þróunar andlega og líkamlega. Leikskólinn vill skapa aðstæður þar sem börnin geta valið sem mest sjálf þau viðfangsefni sem þau vilja fást við. Einnig er stefnt að því að börnin verði skapandi og frjóir einstaklingar sem sjá möguleika og telji að hindranir séu til að sigrast á. Leikskólinn vill skapa aðstæður þar sem börnin fá að njóta sköpunargleði sinnar og að leikskólakennarar styðji og styrki sjálfstæða sköpun. Einnig er lögð mikil áhersla á samvinnu en við viljum að börnin læri að vinna saman á jafnréttisgrunni og öðlist betri sjálfsþekkingu í gegnum samvinnu. Við viljum að leikskólastarfið sé gleðiríkt og að börnin njóti leikskóladvalar sinnar. Leikskólinn vill stuðla að aukinni gleði í leik og starfi þannig að barnið læri að þekkja sjálft sig með glöðum og ánægðum hug.

Vinnustaðurinn

Leikskólakennari í óskast í Núp hlutastarf

Okkur í Núpi vantar leikskólakennara í 50% starf, eftir hádegi, næsta vetur.

Leikskólinn Núpur er 5 deilda leikskóli sem staðsettur er í Núpalind 3.
Einkunnarorð Núps eru sjálfstæði og sköpun í samvinnu og gleði. Við leggjum áherslu á Fjölgreindir í leikskólastarfi og að hin siðferðislegu gildi samfélagsins endurspeglist í öllu leikskólastarfinu s.s. virðing fyrir einstaklingnum, samábyrgð, umhyggja, sáttfýsi og tjáningarfrelsi allra.

Fjölgreindir í leikskólastarfi hjálpa okkur að sjá hvernig hvert barn lærir best og hvað við getum gert til að auðvelda því að nýta allar greindir til náms. Í leikskólanum eru börn með mismunandi atgervi og frá ólíkum menningarheimum og leitast er við að hvert barn fái viðfangsefni við sitt hæfi.
Upplýsingar um leikskólann má finna á http://nupur.kopavogur.is/

Viðkomandi þarf að geta hafið störf sem fyrst.

Laun eru samkvæmt kjarasamningi Sambands íslenskra sveitarfélaga og KÍ.

Þeir sem ráðnir eru til starfa á leikskólum Kópavogs þurfa að skila sakavottorði.

Upplýsingar gefa Svana Kristinsdóttir, leikskólastjóri og Eva Sif Jóhannsdóttir aðstoðarleikskólastjóri í síma 441-6600.

Við hvetjum karla jafnt sem konur til að sækja um starfið.

Menntunar- og hæfniskröfur

Leikskólakennaramenntun eða önnur uppeldismenntun

Ábyrgð í starfi, jákvæðni og hæfni í mannlegum samskiptum

Hæfni til að vinna í teymi

Skapandi hugsun og metnaður í starfi

Sjálfstæði í vinnubrögðum

Góð íslenskukunnátta skilyrði

Helstu verkefni og ábyrgð