Laus störf Hæfnileit Vinnustaðir Námskeið

Kópavogsbær

Kópavogur er næststærsta sveitarfélag landsins með yfir 40.000 íbúa. Kópavogsbær er einn af stærstu vinnuveitendum landsins en hjá sveitarfélaginu starfa að jafnaði um 2.700 einstaklingar á fjölbreyttum starfstöðum um allan bæ. Starfsfólki fjölgar um tæplega 2.000 manns á sumrin þegar sumastarfsmenn mæta til starfa og Vinnuskólinn hefur störf. Starfsfólk Kópavogsbæjar sinnir margvíslegum verkefnum sem miða að því að veita íbúum bæjarins sem allra bestu þjónustu og tryggja velferð þeirra um leið. Hjá Kópavogsbæ eru þrjú fagsvið, menntasvið, umhverfissvið og velferðarsvið og fjórar skrifstofur sem starfa þvert á sviðin, skrifstofa umbóta og þróunar, skrifstofa þjónustu, skrifstofa mannauðs- og kjaramála og skrifstofa áhættu- og fjárstýringar. Öll störf hjá bænum falla undir eitt af þessum sviðum eða skrifstofum. Mannauðsstefna Kópavogsbæjar byggir á gildum Kópavogs en þau eru framsækni, virðing, heiðarleiki og umhyggja. Kópavogsbær hefur það einnig að markmiði að vera vinnustaður þar sem öll hafa jöfn tækifæri í starfi. Hjá Kópavogsbæ er tekið mið af jafnréttisáætlun en hægt er að lesa sér til um bæði mannauðs- og jafnlaunastefnu bæjarins hér til hliðar. Starfsfólk Kópavogsbæjar hefur einnig fríðindi en fyrir starfsfólk er í boði að fá líkamsræktarstyrk, frítt í sund og víða er mötuneyti. Kópavogsbær hefur það að leiðarljósi að vera eftirsóknarverður vinnustaður sem styður við heilsu, öryggi og vellíðan starfsfólks. Lögð er áhersla á að taka vel á móti starfsfólki og veita því markvissa þjálfun þannig að það nái góðum tökum á starfinu og líði vel í vinnunni. Mikil áhersla er lögð á gott samstarf þvert á deildir og svið bæjarins, því saman myndar starfsfólk sterka heild þar sem markmiðið er að fjölbreytt þekking, hæfni og reynsla nýtist sem best. Kópavogsbær vill fá til liðs við sig öflugt og metnaðarfullt fólk sem er tilbúið að gera góðan bæ enn betri.

Vinnustaðurinn

Laugarvörður-baðvörður-afgreiðslustarf - Kópavogslaug

Laugarvörður-baðvörður-afgreiðsustarf - Kópavogslaug

Laust er til umsóknar starf við laugarvörslu, þrif og baðvörslu í búningsklefum og í móttöku sundlaugarinnar. Unnið er á vöktum virka daga. Vaktirnar eru klukkan 06:15 – 14:15 og klukkan 14:05 - 22:30. Þá er ein helgarvakt (laugardagur og sunnudagur) klukkan 07:45 – 18:30 (07:45 - 20:30 milli 1. maí og 30. september), á hverjum fjórum vikum. Verið er að skoða breytingar á opnunartíma.

Kópavogslaug er staðsett í vesturbæ Kópavogs, stutt frá Hamraborginni með góðar almenningssamgöngur. Kópavogslaug er einn stærsti sundstaður landsins. Þar eru sundlaugar úti og inni, ásamt heitum pottum, köldum potti, gufubaði og rennibrautum. Hjá lauginni starfa á fjórða tug manna við þjónustustörf og öryggisgæslu.

Ráðningartími og starfshlutfall

Umsækjendur þurfa að geta hafið störf sem fyrst.
Um tímabundið starf er að ræða.

Menntunar- og hæfniskröfur

Allgóð sundkunnátta áskilin. Umsækjendur þurfa að standast sundpróf svipað og tekið er í 10. bekk grunnskóla.
Umsækjendur þurfa að hafa náð 20 ára aldri og vera reglusamir, samviskusamir, vinnusamir, þjónustulundaðir og góðir í samskiptum.
Starfið hentar ekki síður þeim sem eru komnir á og yfir miðjan aldur en þeim sem yngri eru.
Góð íslenskukunnátta er skilyrði.
Framvísa verður sakavottorði

Helstu verkefni og ábyrgð

Skipta má störfum starfsmanna sundlaugarinnar í þrjú svið,

ÖRYGGI, ÞRIF og ÞJÓNUSTU.

Starfið fer fram á einhverjum af þessu starfsstöðum:

Laugarvarsla sem felst í öryggiseftirliti og þrifum við laugar bæði úti og inni.

Baðvarsla sem einkum er fólgin í þrifum í bað- og búningsklefum auk öryggisgæslu á þeim stöðum.

Afgreiðsla þar sem sala í laug og á ýmsum vörum fer fram, símsvörun, upplýsingagjöf, þrif og öryggiseftirlit. Starfsmenn fá námskeið í fyrstu hjálp, björgun og fleiru.

Frekari upplýsingar:

Nú þegar vantar starfsfólk í búningsklefa kvenna.

Ráðið verður í stöðuna sem fyrst.

Mikilvægt er að upplýsingar um meðmælendur fylgi umsókn.

Góð launakjör samkvæmt kjarasamningi Kópavogsbæjar og Starfsmannafélags Kópavogs.

Nánari upplýsingar veitir Ómar Stefánsson starfandi forstöðumaður Kópavogslaugar í síma 8635913 eða í netfanginu [email protected]

Fríðindi í starfi

Stytting vinnuvikunnar - Líkamsræktaraðstaða

Auglýsing birt12. september 2026

Umsóknarfrestur21. september 2026

Tungumálahæfni