Landstjóri í Nauthólsvík

Siglingafélag Reykjavíkur - Brokey leitar að ábyrgum starfskrafti sem brennur fyrir barnastarfi og getur búið börnunum öruggt og skemmtilegt umhverfi í landi, þegar þau eru ekki úti að sigla.

Brokey heldur úti námskeiðum fyrir börn og fólk á öllum aldri í kænusiglingum. Meginhluti námskeiðanna fer fram úti á sjó en við leitum að starfskrafti sem hefur yfirumsjón með börnunum á meðan þau eru í landi; tekur á móti þeim á morgnanna, fylgir þeim út í lok dags og er þeim innan handar þegar þau takast á við áskoranir og sigra siglinganámsins. Umsjónarmaður er helsti tengiliður barnanna í landi og hefur umsjón með öryggismálum. Ekki er þörf á reynslu eða þekkingu á siglingum.

Starfið felur einnig í sér að vera yfirmaður ungra starfsmanna úr vinnuskólanum (14-16 ára) og sinnir afmörkuðum verkefnum innanhús, t.a.m. að gæta þess að umgengnisreglum sé fylgt, að bátum og eignum félagsins sé sinnt sem skyldi og þrif á búningsklefum.

Starfið er upplagt fyrir þau sem eru í námi eða nýlega útskrifuð úr námi tengdu kennslu og/eða barnastarfi og vilja öðlast reynslu í lifandi starfsumhverfi yfir sumartímann.

Vinnuhlutfallið er 60% frá 8:30 til 13:00 alla virka daga.

Bent er á að samkvæmt lögum verða umsækjendur að skila inn sakavottorði.

Sótt er um hérna á Alfreð en frekari upplýsingar um starfið má fá með pósti á [email protected].