Laus störf Hæfnileit Vinnustaðir Námskeið

Listahátíð í Reykjavík

Listahátíð í Reykjavík er þverfagleg listahátíð með áherslu á nýsköpun. Hún fer fram í hefðbundnum og óhefðbundnum rýmum um alla borg og teygir sig jafnframt út fyrir borgarmörkin. Listahátíð í Reykjavík hefur verið leiðandi afl í íslensku menningarlífi frá stofnun árið 1970. Hún var tvíæringur frá upphafi en á árunum 2005-2016 var hún haldin árlega. Frá árinu 2016 er hátíðin aftur orðin að tvíæringi. Mikil listræn fjölbreytni er einkenni Listahátíðar í Reykjavík. Hún vinnur með og leiðir saman opinberar stofnanir og sjálfstæða hópa listamanna á öllum sviðum menningarlífsins. Hún hefur beint frumkvæði að fjölda verkefna, í hefðbundnum og óhefðbundnum rýmum, er alþjóðleg listahátíð sem starfar á breiðum vettvangi. Listahátíð hefur starfað með eða flutt verk eftir mikinn fjölda listamanna. Menning og listir eru ekki forréttindi fárra heldur réttindi allra. Í stefnu Listahátíðar í Reykjavík er lögð rík áhersla á að hátíðin nái til fjölbreytts hóps áhorfenda og að aðgengi sé tryggt að viðburðum fyrir sem flesta. Aðgengismál í víðum skilningi eru höfð til hliðsjónar við allt skipulag hátíðarinnar. Listahátíð fer næst fram 30. maí -14. júní 2026.

Vinnustaðurinn

Kynningarstjóri Listahátíðar í Reykjavík

Listahátíð í Reykjavík leitar að öflum og hugmyndaríkum kynningarstjóra.

Kynningarstjóri vinnur í nánu samstarfi við listrænan stjórnanda að ásýnd hátíðarinnar og almennri kynningu.

Í starfinu felast töluverð textaskrif bæði á íslensku og ensku og því er algert skilyrði að viðkomandi hafi afburða gott vald á slíkum skrifum.

Listahátíð býður uppá fjölbreytt, sveigjanlegt og líflegt starfsumhverfi þar sem hæfileikar hvers og eins í teyminu fá notið sín. Við leitum að metnaðarfullri starfsmanneskju sem hefur brennandi áhuga á menningu og listum, hefur reynslu af kynningu og markaðssetningu menningarviðburða, einstaka samskiptahæfileika og nýtur þess að vinna með öðrum að stórum verkefnum.

Starfstímabil kynningarstjóra er frá 1. október 2021 til 30. júní 2022.

Listahátíð í Reykjavík fer næst fram 1.-19. júní 2022.

Menntunar- og hæfniskröfur

Reynsla og menntun sem nýtist í starfi.

Reynsla af markaðssetningu menningarviðburða.

Einstaklega gott vald á íslensku og ensku í ræðu og riti.

Frumkvæði og útsjónarsemi í kynningarmálum.

Þekking á notkun helstu samfélagsmiðla.

Lipurð í mannlegum samskiptum og jákvætt hugarfar.

Helstu verkefni og ábyrgð

Ritstjórn kynningarrits og heimasíðu.

Markhópagreining, kynningaráætlun og framkvæmd hennar.