Kerfisstjóri
Sjúkratryggingar leita að öflugum kerfisstjóra til að annast rekstur, þróun og öryggi upplýsingakerfa stofnunarinnar. Starfið er fjölbreytt og krefjandi og felur í sér ábyrgð á stöðugum og öruggum rekstri tæknilegra innviða, hönnun og viðhaldi skýjaumhverfis, sem og þátttöku í uppbyggingu og innleiðingu ferla á sviði upplýsingaöryggis. Kerfisstjóri gegnir lykilhlutverki í að tryggja áreiðanleika, öryggi og framboð kerfa sem styðja við mikilvæga þjónustu við sjúkratryggða um allt land.
Kerfisstjórinn vinnur á sviði Stafrænnar þróunar og mun vinna náið með upplýsingatækniteymi stofnunarinnar og öðrum fagteymum að rekstri miðlara, vöktun öryggisviðburða og áframhaldandi þróun upplýsingakerfa. Starfið felur jafnframt í sér virkt samstarf um framþróun öryggismála, skjölun kerfa og innviða og þátttöku í stafrænum umbótum í síbreytilegu og kröfuhörðu rekstrarumhverfi.
Sjúkratryggingar eru lykilstofnun í íslensku heilbrigðiskerfi sem tryggir réttindi sjúkratryggðra og aðgengi að góðri og hagkvæmri heilbrigðisþjónustu með það markmið að leiðarljósi að vernda heilbrigði og jafnan aðgang að heilbrigðisþjónustu.
Ef þú hefur áhuga á að vinna að öflugum og öruggum upplýsingakerfum sem hafa raunveruleg áhrif á samfélagið og styðja við mikilvægt opinbert hlutverk, þá hvetjum við þig til að sækja um.
- Rekstur, uppsetning og viðhald miðlara og kerfainnviða
- Hönnun, uppbygging og rekstur skýjaumhverfis
- Vöktun og greining öryggis- og rekstrarviðburða í vakt- og öryggiskerfum (s.s. Site24/7, SIEM og SOC)
- Umsjón og rýni eldveggjareglna, aðgangsstýringa og öryggisstillinga
- Virk þátttaka í framþróun og innleiðingu öryggismála og tæknilegra varna
- Skjölun uppsetningar, breytinga og verklags tengdum kerfum og innviðum
- Vinna við innleiðingu og viðhald ferla í tengslum við stjórnkerfi upplýsingaöryggis
- Þátttaka í þróun og umbótum á upplýsingakerfum stofnunarinnar
- Önnur verkefni sem tengjast rekstri og framþróun upplýsingatæknimála
- Menntun sem nýtist í starfi
- Reynsla af rekstri tölvukerfa að minnsta kosti 3-5 ár
- Þekking og reynsla af rekstri á stýrikerfum (s.s. Windows og Red Hat)
- Þekking og reynsla af rekstri á Active Directory
- Þekking og reynsla af rekstri á gagnagrunna (s.s. MS SQL og Oracle) kostur
- Þekking og reynsla af rekstri á vefþjóna nginx, Apache og/eða IIS
- Reynsla af notkun vaktkerfa eins og Site24/7 eða sambærilegt
- Þekking og reynsla af uppbyggingu netkerfa, eldveggja og útfærslu aðgangslista kostur
- Þekking og reynsla af rekstri skýjahýsinga Azure og/eða AWS
- Góð færni í íslensku og ensku bæði í ræðu og riti
- Frumkvæði, vandvirkni og hæfni til að starfa sjálfstætt og í teymi
- Góð samskiptahæfni, þjónustulund og jákvætt viðmót
Íslenska
Enska
