Kennari í textílmennt við Melaskóla

Melaskóli óskar eftir að ráða kennara í textílmennt í 100% stöðu skólaárið 2024-2025.

Melaskóli er rótgróinn grunnskóli í Vesturbæ Reykjavíkur. Í skólanum stunda um 500 nemendur nám í 1. til 7. bekk og lögð er áhersla á menntun og vellíðan nemenda, fjölbreytta kennsluhætti og góð samskipti við aðstandendur. Einkunnarorð skólans eru vellíðan, samvinna, metnaður og sköpunargleði.

Við leitum að einstaklingi með góða samskiptahæfni og þekkingu á skólastarfi. Einstaklingi sem hefur óbilandi trú á nemendum, áhuga á menntun þeirra og velferð og er tilbúinn að taka þátt í því að móta metnaðarfullt skólastarf.

Við skólann starfar öflugt teymi list- og verkgreinakennara þar sem lögð er áhersla á sköpunargleði og samvinnu.

Nánari lýsingu á námi og kennslu í textílmennt má finna í aðalnámskrá grunnskólanna https://adalnamskra.is/adalnamskra-grunnskola/kafli-21