Laus störf Hæfnileit Vinnustaðir Námskeið

Breiðablik

Breiðablik er eitt stærsta íþróttafélag landsins með 12 deildir/greinar ásamt hlaupahópi, íþróttaskóla yngstu barnanna og leikfimi eldri borgara. Félagið er staðsett í hjarta Kópavogs eða réttara sagt yst í Kópavogsdalnum.

Vinnustaðurinn

Íþrótta- og verkefnastjóri Breiðabliks

Ungmennafélagið Breiðablik auglýsir eftir metnaðarfullum og skipulögðum einstakling í starf íþrótta- og verkefnastjóra. Um er að ræða fjölbreytt starf þar sem réttum aðila gefst kostur á að gegna lykilhlutverki í þróun og skipulagi á barna-, unglinga- og félagsstarfi Breiðabliks.

Nánari upplýsingar um starfið veitir Tanja Tómasdóttir, framkvæmdastjóri Breiðabliks, [email protected].

Umsókn skal fylgja ferilskrá og ítarlegt kynningarbréf þar sem gerð er grein fyrir ástæðu umsóknar og rökstuðningur um hæfni viðkomandi til að gegna starfinu.

Umsóknarfrestur er til og með 9. desember 2025 en unnið verður úr umsóknum jafnóðum.

Fullum trúnaði er heitið og öllum umsóknum verður svarað þegar ákvörðun um ráðningu hefur verið tekin.

Helstu verkefni og ábyrgð

Tryggja faglegt og framsækið íþróttastarf í Breiðablik.
Efla samvinnu milli deilda og styðja við almenna starfsemi deilda, s.s. við styrkumsóknir og mótahald.
Auka gæði þjálfunar með skipulagningu á fræðslu og framþróun þjálfara.
Umsjón með skráningarkerfi félagsins.
Samskipti við deildir Breiðabliks og ytri aðila (t.d. ÍSÍ, UMFÍ og sveitarfélagið).
Úthlutun æfingatíma og skipulag frístundarútu.
Skipulag íþróttahátíðar, sumarnámskeiða, íþróttaskóla og annarra viðburða.
Aðstoð við fjáraflanir á vegum félagsins.
Innri markaðssetning og upplýsingamiðlun til deilda, iðkenda, forráðamanna, sjálfboðaliða og félaga í Breiðablik.
Skýrslugerð og úrvinnsla gagna.