Skaftárhreppur

Skaftárhreppur er einn af landstærstu hreppum Íslands. Flestir búa í dreifbýli. Íbúar í Skaftárhreppi voru 625 1. janúar 2021. Aðalatvinnuvegir eru landbúnaður og ferðaþjónusta. Veðursæld er í Skaftárhreppi þar sem vetur eru mildir og sumur hlý. Margar náttúruperlur eru í hreppnum s.s. Landbrotshólarnir, Dverghamrar og Fjaðrárgljúfur. Hluti Skaftárhrepps er á Vestursvæði Vatnajökulsþjóðgarðs þar sem eru Lakagígar, Eldgjá og Langisjór. Nánari upplýsingar má finna á www.klaustur.is

Vinnustaðurinn

Íþrótta- og æskulýðsfulltrúi Skaftárhrepps

Skaftárhreppur auglýsir eftir íþrótta- og æskulýðsfulltrúa.

Íþrótta- og æskulýðsfulltrúi hefur faglega umsjón með tómstundastarfi í Skaftárhreppi í góðu samstarfi við hlutaðeigandi aðila. Í Skaftárhreppi er góð aðstaða fyrir íþróttastarf og möguleiki á að móta skýra framtíðarsýn fyrir styrkingu á heilsueflingu fyrir alla aldurshópa.

Um er að ræða skemmtilegt tækifæri til að takast á við fjölbreytt verkefni.

Helstu verkefni og ábyrgð

Stefnumótun og skipulagning íþróttastarfs fyrir alla aldurshópa
Íþrótta- og æskulýðsfulltrúi er starfsmaður stjórnar Ungmennafélagsins ÁS
Þjálfun á íþróttaæfingum barna- og ungmenna sem og umsjón með hreyfingu eldri borgara
Vinna með Ungmennaráði Skaftárhrepps
Þátttaka á fundum Velferðarráðs Skaftárhrepps
Vera tengiliður sveitarfélagsins við önnur félagasamstök í sveitarfélaginu
Samstarf við stjórnendur grunnskóla og íþróttamannvirkja

Menntunar- og hæfniskröfur

Háskólamenntun sem nýtist í starfi, t.d. á sviði tómstunda- og félagsmálafræði eða kennslu
Reynsla og þekking af íþrótta- og tómstundastarfi
Áhugi á íþrótta- og æskulýðsmálum og heilsueflingu íbúa
Frumkvæði, sjálfstæð vinnubrögð, skipulagshæfni og hugmyndaauðgi
Leiðtogahæfileikar, jákvætt hugarfar og góð samskipta- og samstarfshæfni
Gott vald á íslensku og ensku í ræðu og riti
Hreint sakarvottorð

Um er að ræða fullt starf.

Ráðið er í starfið frá 1. ágúst 2025 eða eftir samkomulagi.

Kirkjubæjarklaustur er í Skaftárhreppi um 250 km austur af Reykjavík. Í sveitarfélaginu búa um 700 íbúar. Þar eru gildin virðing, jákvæðni, samstaða og sjálfbærni höfð að leiðarljósi. Á Klaustri er taktur lífsins rólegri, þar bjóðast spennandi atvinnutækifæri og möguleikar til útivistar í einstakri náttúrufegurð eru óþrjótandi. Til staðar er íbúðarhúsnæði á hagstæðum kjörum.

Launakjör eru samkvæmt kjarasamningum Sambands íslenskra sveitarfélaga og viðkomandi stéttarfélags.

Nánari upplýsingar

Einar Kristján Jónsson, sveitarstjóri Skaftáhrepps – [email protected]

Geirlaug Jóhannsdóttir – [email protected]

Auglýsing birt22. maí 2025

Umsóknarfrestur9. júní 2025

Tungumálahæfni