Laus störf Hæfnileit Vinnustaðir Námskeið

Rimaskóli

Rimaskóli er heildstæður grunnskóli frá 1. – 10.bekk og eru nemendur rúmlega 500. Skólinn er hjartað í hverfinu og hefur á að skipa glæsilegt húsnæði og skólalóð. Skólinn er þekktur fyrir frábæran árangur í skák og hafa fjölmargir nemendur skólans fengið viðurkenningu á því sviði. Skólinn er að innleiða uppeldi til ábyrgðar og er að vinna með hvernig við berum ábyrgð á eigin hegðun. Skólinn er jafnframt þátttakandi í vinaliðaverkefninu og skipuleggja nemendur leiki og stjórna í frímínútum. Kennarar skólans eru að innleiða leiðsagnarnám og er sífellt verið að skoða hvernig við getum komið betur til móts við ólíka nemendur í fjölbreytilegu samfélagi.

Vinnustaðurinn

Heimilisfræðikennara vantar - kanntu brauð að baka...?

Okkur í Rimaskóla vantar öflugan aðila til að kenna heimilisfræði hjá nemendum í 5. - 10.bekk.

Kennari sér um að kenna eftir aðalnámskrá grunnskóla, sér um efniskaup og heldur utan um heimilisfræðistofu.

Kennari skipuleggur kennsluna, kennir krökkunum ýmis verk sem felast í eldhússtörfum og fer yfir heilsusamlegt líferni.

Um er að ræða tímabundin forföll til áramóta en gætu orðið út þetta skólaár.

Helstu verkefni og ábyrgð

Annast kennslu nemenda í samráði við skólastjórnendur, aðra kennara og foreldra.
Vinna að þróun skólastarfs með stjórnendum og samstarfsmönnum.
Stuðla að velferð nemenda í samstarfi við foreldra og annað fagfólk.
Vinna samkvæmt stefnu skólans og taka þátt í innleiðingu aðalnámskrár og námsmati
Sitja í teymi um heilsueflandi skóla

Menntunar- og hæfniskröfur

Leyfisbréf kennara - ef ekki fæst kennari með leyfisbréf þá skoðum við einstaklinginn sem er hæfastur af umsækjendum
Menntun og hæfni til kennslu heimilisfræði
Hæfni í teymiskennslu
Reynsla og áhugi á að starfa með börnum
Lipurð í samskiptum og sveigjanleiki í starfi
Faglegur metnaður
Áhugi á að starfa í skapandi og metnaðarfullu umhverfi
Íslenskukunnátta B2 samkvæmt evrópska tungumálarammanum.
Hreint sakarvottorð í samræmi við lög og reglur Reykjavíkurborgar.

Fríðindi í starfi

Sund og menningarkort.

Auglýsing birt9. september 2026

Umsóknarfrestur23. september 2026

Tungumálahæfni