Hefur þú áhuga á lausafjár- og fjármögnunaráhættu?
SEÐLABANKI ÍSLANDS óskar eftir að ráða talnaglöggan og nákvæman sérfræðing til þess að sinna greiningu og eftirliti með lausafjár- og fjármögnunaráhættu aðila á fjármálamarkaði í deild fjárhagslegra áhættuþátta á sviði varúðareftirlits, sem er annað af eftirlitssviðum bankans.
Um er að ræða fjölbreytt starf þar sem tækifæri gefst til þess að öðlast djúpa þekkingu á banka-, lífeyris- og vátryggingamarkaði auk þess að geta haft áhrif á hvernig eftirliti með aðilum á fjármálamarkaði er háttað.
Deild fjárhagslegra áhættuþátta hefur meðal annars yfirsýn yfir þróun lausafjár og fjármögnunaráhættu, útlána- og samþjöppunaráhættu, líkana- og eiginfjáráhættu, lífeyristryggingaáhættu, vátryggingaáhættu, markaðsáhættu, eiginfjárgerningum og framsetningu á eiginfjár- og gjaldþolskröfum eftirlitsskyldra aðila. Þá tekur svið varúðareftirlits þátt í mati á kerfisáhættu, í samvinnu við fjármálastöðugleikasvið bankans.
- Greining og eftirlit með lausafjár- og fjármögnunaráhættu.
- Framkvæmd athugana á stýringum lausafjár- og fjármögnunaráhættu.
- Framkvæmd og yfirferð á áhættumati í könnunar- og matsferli (SREP).
- Þátttaka í vettvangsathugunum sem tengjast lausafjár- og fjármögnunaráhættu.
- Þróun á aðferðafræði Seðlabankans við mat á lausafjár- og fjármögnunaráhættu.
- Þátttaka í norrænu og alþjóðlegu samstarfi, m.a. hjá Evrópsku bankaeftirlitsstofnuninni (EBA).
- Meistaranám sem nýtist í starfi, s.s. fjármálaverkfræði, hagfræði eða viðskiptafræði.
- Viðeigandi þekking á innra eftirlitsumhverfi fjármálafyrirtækja og reynsla af störfum á fjármálamarkaði.
- Rík greiningarhæfni er nauðsynleg.
- Þekking á lausafjár- og fjármögnunaráhættu er kostur.
- Þekking á evrópsku regluverki á fjármálamarkaði er kostur.
- Þekking á Power BI er kostur.
- Lipurð í mannlegum samskiptum og hæfni til að vinna með öðrum.
- Frumkvæði, öguð vinnubrögð, ábyrgð, sjálfstæði og metnaður til þess að ná árangri í starfi.
- Hæfni til að tjá sig og miðla upplýsingum í ræðu og riti á íslensku og ensku.
Íslenska
