Seðlabanki Íslands

Seðlabanki Íslands er sjálfstæð stofnun í eigu ríkisins sem heyrir undir forsætisráðherra. Markmið bankans er að stuðla að stöðugu verðlagi, fjármálastöðugleika og traustri og öruggri fjármálastarfsemi. Þá skal bankinn sinna viðfangsefnum sem samrýmast hlutverki hans sem seðlabanka, svo sem að varðveita gjaldeyrisforða og stuðla að virku og öruggu fjármálakerfi. Hjá Seðlabankanum starfar öflug liðsheild og leggur bankinn ríka áherslu á metnaðarfullt og hvetjandi starfsumhverfi sem einkennist af trausti, fagmennsku, þekkingu og framsækni.

Vinnustaðurinn

Hversu vel þekkir þú verðbréfamarkaðinn?

SEÐLABANKI ÍSLANDS óskar eftir að ráða öflugan sérfræðing í deild verðbréfamarkaða á sviði háttsemiseftirlits, sem er annað af tveimur eftirlitssviðum bankans.

Um er að ræða fjölbreytt starf þar sem tækifæri gefst til þess að öðlast djúpa þekkingu á verðbréfamarkaðinum.

Í deild verðbréfamarkaða starfar öflugur hópur sem sinnir meðal annars verkefnum sem snúa að eftirliti með innviðum s.s. kauphöllum og verðbréfamiðstöðvum, framkvæmd verðbréfaviðskipta, upplýsingaskyldu útgefenda, gagnsæi á markaði, markaðssvikum og gagnaskilum. Að auki er lögð rík áhersla á hagnýta notkun gagna og aðferðir við að nýta gervigreind við eftirlit.

Helstu verkefni og ábyrgð

Eftirlitsverkefni og greiningar vegna mögulegrar markaðsmisnotkunar, innherjasvika og upplýsingaskyldu útgefenda fjármálagerninga.
Eftirlit með kauphöllum og verðbréfamiðstöðvum.
Eftirlit með skilum og gæðum gagna frá eftirlitsskyldum aðilum.
Yfirferð og staðfesting skjala sem fjármálaeftirlitinu ber að samþykkja, s.s. lýsingar og tilboðsyfirlit vegna yfirtökutilboða.
Þróun aðferðafræði og verklags við verðbréfamarkaðseftirlit.
Hagnýting gervigreindar við eftirlit.
Þátttaka í innlendu og erlendu samstarfi á sviði verðbréfamarkaða.

Menntunar- og hæfniskröfur

Meistaranám sem nýtist í starfi, s.s. viðskiptafræði, hagfræði og verkfræði.
Þekking og reynsla á verðbréfamarkaði.
Þekking og reynsla af úrvinnslu gagna er kostur.
Þekking á Power BI er kostur.
Lipurð í mannlegum samskiptum og hæfni til að vinna með öðrum.
Frumkvæði, öguð vinnubrögð, greiningarhæfni, ábyrgð, sjálfstæði og metnaður til að ná árangri í starfi.
Hæfni til að tjá sig og miðla upplýsingum í ræðu og riti á íslensku og ensku.

Frekari upplýsingar veita Aðalsteinn Eymundsson forstöðumaður verðbréfamarkaða ([email protected]) og Unnur Helgadóttir mannauðsráðgjafi ([email protected]). Umsóknarfrestur er til og með 19. maí 2025.

Um er að ræða 100% starfshlutfall með starfsstöð í Reykjavík. Með umsókn þarf að fylgja ferilskrá og kynningarbréf þar sem gerð er grein fyrir ástæðu umsóknar og hæfni viðkomandi til að gegna starfinu rökstudd.

Við ráðningar í störf hjá Seðlabanka Íslands er tekið mið af jafnréttisstefnu og jafnréttisáætlun bankans og er fólk af öllum kynjum hvatt til að sækja um. Laun greiðast samkvæmt kjarasamningi samtaka starfsmanna fjármálafyrirtækja. Umsóknir gilda í sex mánuði og öllum umsóknum verður svarað þegar ákvörðun um ráðningu hefur verið tekin. Vakin er athygli umsækjenda á því að um ráðningarferlið gilda m.a. stjórnsýslulög nr. 37/1993, upplýsingalög nr. 140/2012 og lög um réttindi og skyldur starfsmanna ríkisins nr. 70/1996.

Auglýsing birt8. maí 2025

Umsóknarfrestur19. maí 2025

Tungumálahæfni