Laus störf Hæfnileit Vinnustaðir Námskeið

Fjármála og efnahagsráðuneytið

Meginhlutverk fjármála- og efnahagsráðuneytis felst í yfirstjórn opinberra fjármála og efnahagsmála. Ráðuneytið fer með málefni fjármálamarkaðarins, ber ábyrgð á bættum stjórnunarháttum og áætlanagerð, hefur með höndum virka stjórn mannauðsmála ríkisins og er leiðandi í umbótum og nýsköpun í rekstri ríkisins. Ráðherra, fer með yfirstjórn ráðuneytisins og ber ábyrgð á öllum stjórnarframkvæmdum þess. Ráðuneytisstjóri stýrir ráðuneytinu undir yfirstjórn ráðherra. Ráðuneytið starfar sem ein heild og skiptist í eftirfarandi; skrifstofa efnahagsmála, skrifstofa fjármálamarkaðar, skrifstofa opinberra fjármála, skrifstofa skattamála, skrifstofa stjórnunar og umbóta, skrifstofa yfirstjórnar og skrifstofu rekstrar og innri þjónustu. Að auki starfar kjara- og mannauðssýsla ríkisins sem hluti af ráðuneytinu og telst hún vera ráðuneytisstofnun í skilningi 17. gr. stjórnarráðslaga. Ráðuneytisstjóri annast samræmingu á starfsemi skrifstofa og sviða og felur einum starfsmanna hverrar skrifstofu og sviðs staðgöngu fyrir skrifstofustjóra í fjarveru þeirra. Að auki geta verið starfræktir til lengri og skemmri tíma sérstakir verkefnahópar eða -teymi til að vinna að málefnum og verkefnum sem varða verksvið fleiri en einnar skipulagseiningar ráðuneytisins, skv. nánari ákvörðun hverju sinni.

Vinnustaðurinn

Hagfræðingur á skrifstofu skattamála

Fjármála- og efnahagsráðuneytið leitar að framúrskarandi hagfræðingi til að sinna fjölbreyttum verkefnum á sviði áætlanagerðar, greininga og skattamála.

Skrifstofa skattamála tekur þátt í mótun stefnu í skattamálum og tekjuöflun ríkisins. Meðal verkefna skrifstofunnar er undirbúningur og gerð lagafrumvarpa á sviði skattamála ásamt mati á áhrifum fyrirhugaðra skattbreytinga. Skrifstofan undirbýr setningu heildarmarkmiða um tekjuöflun ríkissjóðs og hins opinbera og hefur umsjón með tekjuáætlun fjárlaga og áætlana auk þess að sinna samtímavöktun á innheimtu og greiningu tekna og þróun einstakra skattstofna. Skrifstofan tekur auk þess þátt í alþjóðlegu samstarfi og annast undirbúning og gerð tvísköttunarsamninga.

Helstu verkefni og ábyrgð

Þátttaka í stefnumörkun og áætlanagerð er varðar tekjuöflun ríkissjóðs.
Gagnavinnsla og greining á horfum og þróun til lengri tíma.
Almenn umfjöllun í ræðu og riti um skattamál og tekjuöflun ríkissjóðs.
Stuðningur og ráðgjöf vegna skatta- og tekjumála almennt.
Ýmis nefndarstörf og þátttaka í starfshópum á verkefnasviði skrifstofunnar.
Samskipti við innlendar og erlendar stofnanir og hagaðila á sviði skattamála.

Menntunar- og hæfniskröfur

Meistaragráða á sviði hagfræði er skilyrði.
Reynsla af áætlanagerð og greiningarvinnu sem nýtist í starfi.
Góð þekking og reynsla af hagnýtingu og þróun reiknilíkana og gagnasafna.
Reynsla af notkun hagrannsóknaforrita er kostur.
Lausnamiðuð hugsun, frumkvæði og sjálfstæði í vinnubrögðum.
Mjög góð samskiptahæfni auk hæfni til að taka þátt í teymisvinnu.
Mjög gott vald á íslensku og ensku í ræðu og riti er skilyrði.

Í boði er áhugavert starf á krefjandi og skemmtilegum vinnustað. Á skrifstofu skattamála starfa 11 sérfræðingar en í ráðuneytinu eru alls um 100 starfsmenn. Ráðuneytið hefur frumkvæði, fagmennsku og árangur að leiðarljósi í starfsemi sinni. Upplýsingar um starfsemi ráðuneytisins er að finna á Stjórnarráðið | Fjármála- og efnahagsráðuneytið.

Umsóknir geta gilt í sex mánuði frá birtingu þessarar auglýsingar, sbr. reglur nr. 1000/2019 um auglýsingu lausra starfa. Til greina kemur að ráða fleiri en einn aðila á grundvelli þessarar auglýsingar.

Sótt er um starfið á vefnum www.starfatorg.is Umsókn um starfið þarf að fylgja ítarleg starfsferilsskrá og kynningarbréf þar sem gerð er grein fyrir ástæðu umsóknar og rökstuðningur fyrir hæfni viðkomandi í starfið.

Umsóknarfrestur er til og með 31. ágúst nk.

Nánari upplýsingar veita

Helga Jónsdóttir, skrifstofustjóri [email protected]

Kristín Gunnarsdóttir, mannauðsstjóri [email protected]

Auglýsing birt19. ágúst 2026

Umsóknarfrestur31. ágúst 2026

Tungumálahæfni