Laus störf Hæfnileit Vinnustaðir Námskeið

Bílaumboðið Askja

Bílaumboðið Askja er framsækið þjónustufyrirtæki sem sérhæfir sig í sölu og þjónustu á nýjum og notuðum bifreiðum frá Mercedes-Benz, Kia, Honda og smart ásamt þjónustu og viðhaldi fyrir viðskiptavini Öskju, bæði til einstaklinga og fyrirtækja. Við vitum að eitt mesta virði okkar felst í góðum mannauð. Hjá Öskju starfar samheldin og fjölbreyttur hópur sem býr yfir brennandi áhuga í sínu fagi, framúrskarandi þjónustulund og metnaði til ná árangri. Askja býður upp á fyrirmyndaraðstöðu fyrir starfsfólk, eitt fullkomnasta bifreiðaverkstæði landsins, glæsilega sýningarsali og varahlutaþjónustu. Lögð er sérstök áhersla á að skapa menningu sem einkennist af gleði, samvinnu og sveigjanleika. Markmið fyrirtækisins er að vera leiðandi í þjónustu til viðskiptavina með því að veita starfsfólki stuðning og skapa því umhverfi sem byggir á metnaði, fagmennsku og heiðarleika. Askja er staðsett á Krókhálsi í þremur húsnæðum. Askja notaðir bílar eru á Krókhálsi 7 þar sem við bjóðum upp á úrval notaðra bíla frá öllum bílaframleiðendum. Sýningarsalur Mercedes-Benz og smart er á Krókhálsi 11 ásamt höfuðstöðvum Öskju og skrifstofu og svo sýningarsalur Kia og Honda á Krókhálsi 13.

Vinnustaðurinn

Gestgjafi hjá Öskju

Bílaumboðið Askja leitar eftir þjónustuliprum og ábyrgum aðila í hlutverk gestgjafa hjá fyrirtækinu.

Gestgjafar gegna veigamiklu hlutverki í að tryggja framúrskarandi þjónustu og að upplifun viðskiptavina Öskju sé til fyrirmyndar. Gestgjafar taka á móti og bjóða viðskiptavini velkomna, hafa umsjón með sýningarsal og sinna fjölbreyttum verkefnum tengdum sölu og þjónustu.

Starfið er fjölbreytt og tengist flestum deildum Öskju. Gestgjafi þarf að vera öruggur í samskiptum, lausnamiðaður og geta tekist á við fjölbreytt og einnig krefjandi mál með viðskiptavinum.

Gestgjafar Öskju starfa á Krókhálsi 11 (Mercedes Benz og Smart) og á Krókhálsi 13 (KIA og Honda). Mikil tenging er á milli húsanna og samstarf náið þar sem gestgjafar geta unnið þvert á vörumerki

Helstu verkefni og ábyrgð

Móttaka og almenn þjónusta viðskiptavina
Umsjón með sýningarsal og fundarherbergjum (Létt þrif, frágangur og umsjón með þrifum)
Umsjón og aðstoð við snjall-lyklabox
Aðstoð við undirbúning og framkvæmd sýninga og viðburða
Ýmis verkefni sem styðja við sölu og þjónustu
Samskipti við birgja pantanir og annað tilfallandi

Menntunar- og hæfniskröfur

Reynsla af þjónustustörfum
Góð samskiptahæfni og lausnamiðað hugarfar
Áhugi og þekking á bílum er kostur
Frumkvæði, sjálfstæði og nákvæmni í vinnubrögðum
Fagleg framkoma, snyrtimennska og stundvísi
Góð íslensku- og enskukunnátta í ræðu og riti
Metnaður til að veita framúrskarandi þjónustu

Af hverju Askja?

Vertu hluti af hratt vaxandi, alþjóðlegu fyrirtæki með þekkt bílamerki
Starfaðu með stuðningsríku og samvinnuþýðu teymi sem leggur áherslu á nýsköpun, fjölbreytileika og faglegt vinnuumhverfi
Tækifæri til að þróa feril þinn innan alþjóðlegs fyrirtækis

Askja er sölu- og þjónustuumboð fyrir Mercedes-Benz, Kia, Honda og smart. Hjá Öskju starfar vel þjálfaður og öflugur hópur starfsfólks, en virk þjálfun og endurmenntun starfsfólks er í samræmi við gæðastaðla birgja. Askja er dótturfélag Inchcape á Íslandi sem er hluti af alþjóðlega fyrirtækinu Inchcape Plc sem sérhæfir sig í sölu og dreifingu á bifreiðum og er skráð í kauphöllina í London. Inchcape er leiðandi fyrirtæki á sínu sviði, starfar á 39 mörkuðum með yfir 17.000 starfsmenn og vinnur með stærstu bílaframleiðendum heims.Um er að ræða framtíðarstarf.

Um er að ræða framtíðarstarf. Nánari upplýsingar um starfið veitir Rúnar Örn Birgisson þjónustustjóri innri þjónustu [email protected]

Auglýsing birt26. september 2026

Umsóknarfrestur11. október 2026

Tungumálahæfni