N1 sér fólki og fyrirtækjum fyrir eldsneyti, raforku, rekstrarvörum, veitingum og afþreyingu á þjónustustöðvum félagsins um allt land. Okkar hlutverk er að halda samfélaginu á hreyfingu með persónulegri þjónustu og markvissu vöruúrvali sem uppfyllir kröfur viðskiptavina hvert sem ferð þeirra er heitið. N1 sparar viðskiptavinum bæði tíma og fyrirhöfn með þéttu neti þjónustustöðva og umbunar þeim með margvíslegum ávinningi af viðskiptunum, m.a. með N1 kortinu sem safnar punktum og nýtast á N1 stöðvum um land allt. N1 starfar út frá þremur grunngildum sem eru: virðing, einfaldleiki og kraftur. Við sýnum hvert öðru virðingu, veitum þjónustu sem við getum verið stolt af og berum virðingu fyrir umhverfinu. Við leggjum okkur fram við að einfalda líf viðskiptavina okkar og liðsinna með góðu aðgengi að vörum okkar og þjónustu. Við hleypum krafti í samfélagið með öflugri dreifingu og afgreiðslu eldsneytis en einnig með stuðningi við hreyfingu, heilsubót og góð málefni sem auðga mannlífið. Vel staðsettar þjónustustöðvar og verslanir um land allt, fyrsta flokks dekkja- og smurþjónusta og öflug fyrirtækjaþjónusta gera N1 að sterkri heild sem er mikilvægur hluti af íslensku samfélagi.

Vinnustaðurinn

Gæðastjóri orkuinnviða – N1

Við leitum að kraftmiklum og metnaðarfullum stjórnanda til að leiða gæða- og orkumál félagsins ásamt því að hafa yfirumsjón með sjálfbærnimálum. Gæðastjóri orkuinnviða hefur það hlutverk að tryggja áreiðanleika, rekstraröryggi og samræmi í eldsneytissölu og raforkuþjónustu á þjónustustöðvum N1. Hafa yfirumsjón með gæðamálum, stöðlum og eftirliti í rekstri orkuinnviða með áherslu á þjónustu, umhverfisábyrgð og sjálfbærni.

Helstu verkefni og ábyrgð

Leiða öflugt og reynslumikið teymi á sviði orku- og gæðamála
Móta og innleiða stefnu í gæða- og öryggismálum
Hafa yfirumsjón með sjálfbærnistefnu N1 og tryggja innleiðingu hennar í daglegan rekstur
Fylgjast með eldsneytissölu, birgðastýringu og rekstri tanka og dælubúnaðar
Tryggja rekstraröryggi og þjónustugæði hleðslustöðva og tengdra innviða
Útbúa skýrslur og greiningar fyrir stjórnendur um stöðu gæðamála og frammistöðu orkuinnviða
Halda utan um samskipti við eftirlits- og samstarfsaðila

Hæfniskröfur