Stjórnsýslu-og fjármálasvið

Múlaþing er sveitarfélag á Austurlandi með um 5.300 íbúum. Undir Múlaþing heyra Fljótsdalshérað, Djúpivogur, Borgarfjörður eystri og Seyðisfjarðarkaupstaður. Stjórnsýslu-og fjármálasvið sér um atvinnu-og menningarmál, fjármál og stjórnsýslu sveitarfélagsins. Á sviðinu starfa um 40 starfsmanneskjur.

Vinnustaðurinn

Fulltrúi sveitarstjóra á Borgarfirði eystra

Auglýst er eftir einstaklingi í 100% stöðu fulltrúa sveitarstjóra á Borgarfirði eystra.

Um er að ræða fjölbreytt og áhugavert starf í lifandi umhverfi. Starfsmaður er staðgengill sveitastjóra á Borgarfirði eystra og hefur einnig umsjón með daglegum rekstri skrifstofu Múlaþings á staðnum í samráði við sveitarstjóra og yfirmenn viðkomandi sviða og þ.m.t. verkefnum tengdum Borgarfjarðarhöfn. Næsti yfirmaður er sveitarstjóri.

Viðkomandi komi til starfa í ágúst nk.

Helstu verkefni og ábyrgð

Er staðgengill sveitarstjóra og sinnir daglegum rekstri sveitarfélagsins á Borgarfirði eystri.
Situr og undirbýr fundi með heimastjórn Borgarfjarðar eystri og sér um ritun fundargerða og kemur afgreiðslum í réttan farveg.
Eftirlit og umsjón með skipakomum, vöruflutningum og öðru því sem um höfnina fer og skráning þess. Stjórn á umferð skipa við höfnina og ákvörðun um legustað þeirra, færsla innan hafnar, skráning því viðkomandi og tilkynningar og varsla þeirra.
Að hafnarmannvirki uppfylli kröfur um öryggismál hafna og viðhald öryggisbúnaðar.
Staðfestir útgjöld hafnarinnar og tekur þátt í framkvæmd verndaráætlunar hafnarinnar skv. ISPS og Solar reglugerðum og tekur þátt í uppfærslu verndaráætlana, áhættumati og öðrum öryggisreglum hafnarinnar.
Veita íbúum og öðrum sem til skrifstofu Múlaþings á Borgarfirði eystri leita, faglega og góða þjónustu og kemur erindum í réttan farveg.
Símsvörun og upplýsingagjöf til íbúa á opnunartíma skrifstofu.
Umsjón með rekstri Fjarðarborgar.
Önnur verkefni sem sveitarstjóri felur viðkomandi.

Menntunar- og hæfniskröfur

Menntun sem nýtist í starfi s.s. háskólapróf á fyrsta stigi (BA/BS) og/eða mikil starfs- og stjórnunarreynsla.
Gerð er krafa um frumkvæði og sjálfstæði í starfi.
Gerð er krafa um þekkingu á sveitarstjórnarmálum.
Gerð er krafa um góða þekkingu á staðarháttum innan fyrrum Borgarfjarðarhrepps.
Góð tölvukunnátta æskileg.
Góð íslensku-og enskukunnátta og gott vald á að skrifa texta
Góð þjónustulund og hæfni í mannlegum samskiptum.
Þekking á rekstri verkefna og gerð rekstraráætlana mikilvæg.

Viðkomandi skal vera búsettur innan marka fyrrum Borgarfjarðarhrepps.

Öllum umsóknum skal fylgja yfirlit yfir nám og fyrri störf, afrit af prófskírteini ásamt rökstuðningi fyrir hæfni viðkomandi í starfið. Einungis er tekið við rafrænum umsóknum í gegnum ráðningavef sveitarfélagsins hjá Alfreð.

Launakjör eru samkvæmt kjarasamningum sveitarfélagsins og viðkomandi stéttarfélags.

Tekið er mið af jafnréttisáætlun Múlaþings við ráðningar hjá sveitarfélaginu.

Nánari upplýsingar veitir Björn Ingimarsson, sveitarstjóri Múlaþings í síma 4700 700 eða á netfanginu bjorn.ingimarsson@mulathing.is.

Umsækjendum er bent á að kynna sér fræðslubréf um vinnslu Múlaþings á persónuupplýsingum starfsumsækjenda, sem finna má á heimasíðu sveitarfélagsins www.mulathing.is

Vinnustaðir Múlaþings eru reyklausir og fjölskylduvænir.

Auglýsing stofnuð6. maí 2024

Umsóknarfrestur20. maí 2024

Tungumálakunnátta