Laus störf Hæfnileit Vinnustaðir Námskeið

Eimskip

Hlutverk Eimskips er að veita áreiðanlegar heildarlausnir í flutningum á sjálfbæran hátt með árangur viðskiptavina að leiðarljósi. Við höfum verið traustur samstarfsaðili í alþjóðlegum flutningum frá árinu 1914 og rekum 56 skrifstofur í 20 löndum með um 1.700 starfsmönnum. Við tryggjum viðskiptavinum okkar áreiðanlegar heildarlausnir í flutningum meðal annars með áætlunarsiglingum og rekstri gáma- og frystiskipa í Norður-Atlantshafi, hafnarþjónustu, landflutningum, vöruhúsa- og frystigeymsluþjónustu og alþjóðlegu skrifstofuneti í flutningsmiðlun. Hjá Eimskip er lögð sérstök áhersla á að skapa jákvæða menningu með sterkri liðsheild, tækifærum til þróunar, hvatningu til að sýna frumkvæði, opnum skoðanaskiptum og góðri miðlun upplýsinga.

Vinnustaðurinn

Framtíðarstarf í vöruhúsaþjónustu í Dreifingarmiðstöð

Vöruhúsaþjónusta Eimskips í Reykjavík leitar að þjónustulipru, drífandi starfsfólki sem vinnur vel í teymi og sýnir virðingu í samskiptum. Við leitum að einstaklingum sem endurspegla gildi Eimskips: liðsheild, framsækni, áreiðanleiki og virðing.

Um er að ræða framtíðarstörf í dagvinnu alla virka daga frá klukkan 08:00-16:00.

Hjá Dreifingarmiðstöð Eimskips starfar öflugur og samhentur hópur fólks í fjölbreyttum störfum sem snúa að þjónustu og dreifingu á vörum. Mikil áhersla er lögð á þjálfun og öryggismál hjá Eimskip og nýtur starfsfólk okkar góðs af stöðugri fræðslu og stuðningi, sem tryggir að öll séu vel undirbúin til að takast á við fjölbreytt verkefni og áskoranir.

Helstu verkefni og ábyrgð

Vörumóttaka og vöruafgreiðsla
Losun og lestun flutningabíla
Bóka vörur í birgðakerfi
Samskipti og upplýsingamiðlun vegna vörusendinga
Önnur tilfallandi störf

Menntunar- og hæfniskröfur

Starfsreynsla á sviði vöruhúsaþjónustu er kostur
Lyftararéttindi (J) er kostur
Almenn tölvukunnátta
Góð færni í íslensku og/eða ensku
Góð þjónustulund, heiðarleiki og vönduð vinnubrögð
Frumkvæði, stundvísi og góð framkoma

Fríðindi í starfi

Heitur matur í hádeginu, fjölbreytt verkefni og góður starfsandi í samhentu teymi.
Aðgangur að öflugu starfsmannafélagi sem m.a. rekur orlofshús um allt land
Heilsu- og hamingjupakki sem inniheldur samgöngustyrk og styrki fyrir líkamsrækt, sálfræðiþjónustu og fleira.

Nánari upplýsingar veitir Ágúst Guðbjartsson, þjónustustjóri, [email protected]. Eingöngu er tekið á móti umsóknum í gegnum vefsvæði Eimskips.

Umsóknarfrestur er til og með 4. ágúst 2026

Hreint sakavottorð og 18 ára aldur er skilyrði fyrir ráðningu hjá Eimskip.

Auglýsing birt16. júlí 2026

Umsóknarfrestur4. ágúst 2026

Tungumálahæfni