Laus störf Hæfnileit Vinnustaðir Námskeið

Eimskip

Hlutverk Eimskips er að veita áreiðanlegar heildarlausnir í flutningum á sjálfbæran hátt með árangur viðskiptavina að leiðarljósi. Við höfum verið traustur samstarfsaðili í alþjóðlegum flutningum frá árinu 1914 og rekum 56 skrifstofur í 20 löndum með um 1.700 starfsmönnum. Við tryggjum viðskiptavinum okkar áreiðanlegar heildarlausnir í flutningum meðal annars með áætlunarsiglingum og rekstri gáma- og frystiskipa í Norður-Atlantshafi, hafnarþjónustu, landflutningum, vöruhúsa- og frystigeymsluþjónustu og alþjóðlegu skrifstofuneti í flutningsmiðlun. Hjá Eimskip er lögð sérstök áhersla á að skapa jákvæða menningu með sterkri liðsheild, tækifærum til þróunar, hvatningu til að sýna frumkvæði, opnum skoðanaskiptum og góðri miðlun upplýsinga.

Vinnustaðurinn

Meiraprófsbílstjórar í innanbæjarakstur í Reykjavík

Eimskip í Reykjavík leitar að þjónustuliprum og ábyrgum meiraprófsbílstjórum í framtíðarstarf.

Um er að ræða tvær stöður með ólíkum vinnutíma, annars vegar kl. 7-15 á virkum dögum og hinsvegar kl. 7-19 með 3-2-3 vaktafyrirkomulagi.

Við leggjum áherslu á að starfsfólk sýni metnað til að skila árangri, vinnur vel í teymi og sýnir virðingu í samskiptum – í takt við gildi Eimskips: Liðsheild, framsækni, áreiðanleiki og virðing.

Hjá Eimskip í Reykjavík er nýlegur floti flutningabíla sem er vel viðhaldið og allur aðbúnaður til fyrirmyndar. Mikil áhersla er á þjálfun og öryggismál hjá Eimskip.

Helstu verkefni og ábyrgð

Vörudreifing í Reykjavík og nágrenni
Lestun og losun hjá viðskiptavinum
Jákvæð samskipti og framúrskarandi þjónusta til viðskiptavina
Önnur tilfallandi verkefni

Menntunar- og hæfniskröfur

Meirapófa C og CE er skilyrði
Réttindi til aksturs í atvinnuskyni er skilyrði
Lyftarapróf er kostur
ADR réttindi er kostur
Góð íslensku og/eða ensku kunnátta
Geta til að vinna undir álagi
Framúrskarandi þjónustulund og hæfni í mannlegum samskiptum
Frumkvæði og sjálfstæð vinnubrögð
Góð líkamleg færni

Fríðindi í starfi

Heitan mat í hádeginu, fjölbreytt verkefni og góðan starfsanda í samhentu teymi.
Aðgang að öflugu starfsmannafélagi sem m.a. rekur frábær orlofshús um allt land.
Heilsu- og hamingjupakka sem inniheldur samgöngustyrk og styrki fyrir líkamsrækt, sálfræðiþjónustu og fleira.

Eingöngu er tekið við umsóknum í gegnum ráðningarvefinn. Hreint sakavottorð og 18 ára aldur er skilyrði fyrir ráðningu hjá Eimskip.

Umsóknarfrestur er til og með 19. júlí 2026

Eimskip leggur áherslu á jafnrétti, heilsu og vellíðan starfsfólks þar sem markvisst er unnið í samræmi við jafnréttisáætlun að jafnri stöðu starfsfólks óháð kyni og leitast eftir því að hafa vinnuumhverfið sem öruggast og heilsusamlegast. Í anda jafnréttisstefnu Eimskips eru öll kyn hvött til að sækja um.

Auglýsing birt8. júlí 2026

Umsóknarfrestur19. júlí 2026

Tungumálahæfni