Framkvæmdastjóri markaðssviðs

Framkvæmdastjóri markaðssviðs

CCEP leitar að öflugum leiðtoga og lykilstjórnanda til að leiða markaðsstarf Coca-Cola á Íslandi. Um er að ræða lifandi og krefjandi starf í alþjóðlegu umhverfi. Viðkomandi þarf að hafa árangursríka reynslu að baki í markaðsmálum, ríka leiðtogahæfni og metnað til að ná árangri í ögrandi verkefnum.
Framkvæmdastjóri markaðssviðs mótar stefnu CCEP í markaðsmálum fyrir einhver þekktustu vörumerkin á drykkjarvörumarkaði, meðal annarra: Coke, Fanta, Sprite, Monster, Víking, Thule og Einstök. Framkvæmdastjóri markaðssviðs situr í framkvæmdastjórn Coca-Cola á Íslandi og heyrir beint undir forstjóra. Viðkomandi vinnur þétt með öllum sviðum fyrirtækisins, The Coca-Cola Company og öðrum alþjóðlegum og innlendum samstarfsaðilum.


Helstu verkefni og ábyrgð:

• Að byggja upp og leiða öflugan hóp starfsfólks markaðsdeildar með skýrri framtíðarsýn, markmiðasetningu og hvatningu.
• Stefnumótun, þróun og innleiðing alhliða markaðsstefnu sem samræmist markmiðum fyrirtækisins.
• Vörumerkjastjórnun, leiða vörumerkjastefnu og tryggja framkvæmd sem skilar árangri í samræmi við markmið.
• Vinna náið með söluteymi við að samræma markaðs- og söluherferðir.
• Markaðsrannsóknir og greiningar til að skilja þróun, markaðsleiðir, vöruflokka, neytendahegðun og samkeppnishæfni.
• Leiða vöruþróun og stefnur varðandi vöruframboð og vöruflokka.
• Leiða starfræna markaðssetningu og miðlun á vörumerkjum.
• Ábyrgð á daglegum rekstri, áætlanagerð og eftirfylgni verkefna deildarinnar

Menntunar- og hæfniskröfur:

• Framúrskarandi leiðtogahæfni og drifkraftur.
• Mjög góð reynsla af því að byggja upp, móta og leiða teymi til árangurs.
• Árangursrík reynsla af stjórnun markaðsmála.
• Skilningur og þekking á íslenskum neytendamarkaði er kostur.
• Reynsla af alþjóðlegu samstarfi er kostur.
• Reynsla af stjórnun alþjóðlegra vörumerkja er kostur.
• Mjög góð enskukunnátta í töluðu og rituðu máli.
• Vilji og hæfni til að vinna undir álagi og ná árangri í síbreytilegu umhverfi.
• Framúrskarandi hæfni í samskiptum, jákvætt viðmót og sveigjanleiki.
• Mjög góð greiningarfærni.
• Mjög góð tölvukunnátta
• Háskólamenntun í viðskiptafræði, markaðsfræði eða sambærileg menntun og/eða að minnsta kosti 5 ára reynsla í sambærilegu starfi.

Coca-Cola er meðal stærstu og þekktustu alþjóðlegu vörumerkja í heiminum og er neytt daglega af milljörðum fólks um allan heim. Coca-Cola á Íslandi er alþjóðlegur vinnustaður með yfir 80 ára sögu í íslensku samfélagi.

Umsóknarfrestur er til og með 7. júlí næstkomandi.

Umsókn skal fylgja ferilskrá og kynningarbréf þar sem gerð er grein fyrir ástæðu umsóknar og rökstuðningur um færni viðkomandi til að gegna starfinu.

Umsjón með starfinu hafa Jensína K. Böðvarsdóttir (jensina@vinnvinn.is) og Garðar Óli Ágústsson (gardar@vinnvinn.is).