Háskólafélag Suðurlands

Félagið er einkahlutafélag í eigu 14 sveitarfélaga á Suðurlandi auk Samtaka sunnlenskra sveitarfélaga/SASS og nær það því allt frá Selvogi í vestri austur í Lón. Háskólafélagið er helsti samstarfsaðili háskóla, sveitarfélaga, fyrirtækja, stofnana, almennings og ríkisins á sviði menntamála og nýsköpunar á Suðurlandi. Háskólafélagið hefur frumkvæði að því að auka búsetugæði á Suðurlandi með því að færa menntun, rannsóknir og nýsköpun nær Sunnlendingum, í samstarfi við samfélagið.

Vinnustaðurinn

FRAMKVÆMDASTJÓRI

Háskólafélag Suðurlands ehf. óskar eftir að ráða framkvæmdastjóra til að stýra metnaðarfullu starfi félagsins, í samræmi við framtíðarsýn, gildi og verkefnastefnu þess. Í boði er krefjandi og um leið gefandi starf og tækifæri til að byggja upp þekkingarsamfélag, efla aðgengi að háskólanámi á Suðurlandi og stuðla að fjölbreyttara atvinnulífi landshlutans.

Helstu verkefni og ábyrgð

Daglegur rekstur félagsins, gerð og eftirfylgni fjárhagsáætlana
Afla og vinna að verkefnum sem falla að stefnu félagsins í samvinnu við stjórn og starfsfólk
Samstarf við eigendur félagsins, helstu hagsmunaaðila og stjórnvöld
Kynningar og markaðsmál í samvinnu við starfsfólk og stjórn
Vera leiðandi í teymisvinnu verkefna ásamt starfsfólki félagsins

Menntunar- og hæfniskröfur

Háskólamenntun sem nýtist í starfi
Rík leiðtogahæfni
Haldbær reynsla af rekstri og stjórnun
Reynsla af verkefnastjórnun
Framúrskarandi samskipta- og skipulagshæfni og lausnamiðað verklag
Frumkvæði og hugmyndaauðgi
Reynsla af kynningar- og markaðsmálum í fjölbreyttum miðlum
Víðtæk þekking og tengsl við atvinnulíf og menntamál Suðurlands æskileg
Reynsla af alþjóðlegum verkefnum æskileg

Háskólafélag Suðurlands ehf. er framsækið félag í eigu Sunnlendinga. Markmið félagsins er að auka búsetugæði á Suðurlandi með því að miðla og styrkja háskólastarf í fjórðungnum og tengja rannsóknir háskóla og stofnana við atvinnulíf og nýsköpun á svæðinu. Nánari upplýsingar um félagið má finna á vefsíðu þess, www.hfsu.is

Umsóknarfrestur er til og með 23. apríl 2025

Áhugasamir eru hvattir til að sækja um, óháð kyni og uppruna.

Listi yfir umsækjendur verður ekki birtur.

Sótt er um starfið á www.mognum.is

Nánari upplýsingar veitir Sigríður Ólafsdóttir I [email protected]

Með umsókn skal fylgja greinagóð starfsferilskrá og kynningarbréf þar sem gerð er grein fyrir ástæðu umsóknar og rökstuðningur fyrir hæfi umsækjenda.

Auglýsing birt4. apríl 2025

Umsóknarfrestur23. apríl 2025

Tungumálahæfni