Forstöðumaður frístundar Álfhólsskóla
Álfhólsskóli leitar að jákvæðum og áhugasömum starfsmönnum til þátttöku í skemmtilegu skólastarfi.
Í Álfhólsskóla eru um 570 nemendur í 1. til 10. bekk og um 120 starfsmenn. Skólinn byggir á langri hefð fyrir framsæknu og árangursríku skólastarfi þar sem áhersla er lögð á þátttöku í þróunarverkefnum. Í Álfhólsskóla er skapandi starf með fjölbreyttum kennsluháttum og nám við hæfi hvers og eins. Í skólanum eru starfrækt sérhæfð námsver fyrir einhverfa nemendur.
Einkunnarorð skólans eru: menntun – sjálfstæði - ánægja.
Helstu verkefni og ábyrgð
- Umsjón með skipulagi og rekstri frístundar
- Samvinna og samstarf við kennara, foreldra og stjórnendur
Menntunar- og hæfniskröfur
- Háskólanám (BEd, BA) á sviði tómstunda-, uppeldis- og/eða félagsfræða
- Reynsla af stjórnun og skipulögðu starfi með börnum
- Hæfni til að skipuleggja faglegt starf og veita því forystu
- Hæfni í samskiptum, frumkvæði og sköpunargleði
- Stundvísi og áreiðanleiki
- Góð tök á íslensku bæði í máli og riti
Laun eru samkvæmt kjarasamningi Sambands íslenskra sveitarfélaga og viðkomandi stéttarfélags.
Starfshlutfall er 100%. Umsóknarfrestur er til og með 3. júní 2022. Ráðið er í starfið frá og með 1. ágúst 2022.
Bent er á að samkvæmt lögum verða umsækjendur að skila sakavottorði.
Eingöngu er tekið við umsóknum í gegnum ráðningarvef Alfreðs.
Allir einstaklingar, óháð kyni, eru hvattir til að sækja um starfið.
Upplýsingar um skólastarfið í Álfhólsskóla er að finna á www.alfholsskoli.is.
Nánari upplýsingar gefa Freyja Hlín Valgeirsdóttir forstöðumaður frístundar eða Sigrún Bjarnadóttir, skólastjóri eða síma 441 3800 eða með fyrirspurn á [email protected].
