Sensa ehf.

Sensa er alþjóðlegt þjónustufyrirtæki með starfsstöðvar í tólf löndum sem sérhæfir sig í fjölbreyttum lausnum í upplýsingatækni. Hjá Sensa starfar reynslumikill hópur sérfræðinga með hátt þekkingarstig. Við bjóðum upp á sveigjanlegt vinnuumhverfi þar sem reynt er að koma til móts við þarfir hvers og eins eftir bestu getu. Markmið Sensa er að vera ávallt í fararbroddi þar sem sterk liðsheild, hátt þekkingarstig og verðmæt viðskiptasambönd spila stórt hlutverk. Áhersla er lögð á að starfsfólk styrki sig í þekkingu og menntun með ýmsu móti og geti vaxið á eigin forsendum. Eigandi Sensa er norska fyrirtækið Crayon sem starfar í 46 löndum. Crayon býður ýmsar lausnir í upplýsingatækni og er Sensa virkur þátttakandi í þróun þeirra lausna og í þjónustu við fyrirtæki á alþjóðavettvangi.  

Vinnustaðurinn

Forritun og arkitektúr

Langar þig að byggja lausnir sem umbreyta viðskiptaferlum og nýta gögn til fulls?
Komdu í öflugt teymi þar sem þú færð að hafa áhrif á stafræna framtíð.

Við leitum að reyndum forritara í þróunarteymið okkar. Hjá okkur munt þú taka þátt í verkefnum sem tengjast samþættingum, viðskiptaferlum og þróun hugbúnaðarlausna. Við notum aðallega .NET, en einnig Python, TypeScript og önnur forritunarmál eftir því sem verkefnin kalla á. Teymið vinnur einnig með framendalausnir og fjölbreytt gagnavinnslutól, þannig að hæfni til að tileinka sér ný verkfæri er mikilvæg.

CI/CD, DevOps og GitOps eru mikilvægur hluti af vinnubrögðum teymisins. Auk forritunar snýst starfið einnig um ráðgjöf og samvinnu við viðskiptavini, þar sem hæfni til að skilja þarfir, greina lausnir og vinna sjálfstætt er mikill kostur.

Verkefnin snerta meðal annars á eftirfarandi tækni:

· Fjölbreytt forritunarmál, t.d. .NET (C#), Python og TypeScript

Microsoft Azure og aðrar skýjalausnir
Fjölbreyttir gagnagrunnar og gagnavinnsla
RESTful vefþjónustur og API hönnun

CI/CD og DevOps vinnubrögð

Helstu verkefni og ábyrgð

Vinna með gögn, gagnagrunna og gagnavinnslutól
Þátttaka í þarfagreiningu og lausnahönnun með teymi og viðskiptavinum
Hönnun og útfærsla á samþættingu kerfa og bakendalausnum
Þróun og viðhald á vef- og hugbúnaðarlausnum.
Vinna skipulega með skjölun á arkitektúr, gagnaflæði og lausnahönnun
Miðla þekkingu og leggja til umbætur í hönnun og arkitektúr

Menntunar- og hæfniskröfur

Mikil reynsla af hugbúnaðarþróun og djúpur skilningur á hugbúnaðarhönnun og arkitektúr

Reynsla af samþættingum, API-þróun eða vinnu með gagnagrunna er mikill kostur
Hæfni til að ræða og útskýra hugbúnaðararkitektúr á mannamáli og skjalfesta hann á faglegan hátt
Sjálfstæð vinnubrögð, ráðgjafahæfni og sterk samskiptafærni í teymisvinnu og ákvörðunartöku.
Skilningur á CI/CD og DevOps vinnubrögðum er kostur
Áhugi á nýrri tækni og færni til að tileinka sér ný verkfæri hratt

Fríðindi í starfi

Samgöngustyrkur fyrir þá sem kjósa annan ferðamáta en einkabílinn
Heilsueflingarstyrkur
Hjólageymsla, líkamsræktar- og sturtuaðstaða
Fyrsta flokks mötuneyti
Sveigjanlegur vinnutími og möguleikar á fjarvinnu

Sensa er leiðandi upplýsingatæknifyrirtæki þar sem sterk liðsheild, hátt þekkingarstig og framúrskarandi þjónusta eru höfð að leiðarljósi. Starfsfólk er um 160 talsins, staðsett í tólf löndum í fjórum heimsálfum. Mikil áhersla er lögð á velferð starfsmanna, góðan starfsanda og hvetjandi og skemmtilegt starfsumhverfi.  

Umsóknarfrestur er til og með 31. ágúst en unnið er úr umsóknum jafn óðum og þær berast.

Hjá Sensa leggjum við mikla áherslu á fjölbreytt vinnuumhverfi þar sem öll fá tækifæri til að njóta sín, óháð kyni, uppruna og bakgrunni.

Umsækjendur þurfa að skila inn sakavottorði.

Einungis er tekið á móti umsóknum í gegnum umsóknarkerfi Alfreðs.

Auglýsing birt20. ágúst 2025

Umsóknarfrestur31. ágúst 2025

Tungumálahæfni