Laus störf Hæfnileit Vinnustaðir Námskeið

Háskólinn í Reykjavík

Háskólinn í Reykjavík undirbýr samfélagið fyrir framtíðina. Við stöndum framarlega á alþjóðavísu í að skapa og miðla þekkingu með siðferði, jafnræði og sjálfbærni að leiðarljósi. Háskólinn er hreyfiafl í þróun atvinnulífs og samfélags, með virku samstarfi og menntun sem mætir þörfum þeirra. Háskólinn býður framúrskarandi nám, stuðning og starfsaðstöðu. Hann styrkir nemendur í að byggja brýr á milli fræðigreina, tengir þau við atvinnulíf og býður upp á námsleiðir sem hægt er að sníða að eigin hæfni og áhugasviðum. Í rannsóknarstarfi leggur háskólinn áherslu á samvinnu, skapandi hugsun og heilindi. Háskólinn er driffjöður nýsköpunar í gegnum hagnýtingu rannsókna og þjálfun fyrir alla nemendur. Sjálfbærni er undirliggjandi þáttur í námi, rannsóknum og rekstri háskólans.

Vinnustaðurinn

Forritari

Háskólinn í Reykjavík auglýsir eftir forritara í fullt starf í þróunarhóp á upplýsingatæknisviði háskólans. Hlutverk þróunarhóps er að þróa og innleiða hugbúnaðarlausnir sem styðja við ferla skólans, s.s. umsóknarkerfi, nemendagátt, útskriftarkerfi og samþættingu við önnur ytri og innri kerfi. Í boði er spennandi starf í metnaðarfullu og lifandi háskólaumhverfi með ýmsum tækifærum til náms og persónulegrar þróunar. Viðkomandi mun vinna að nýsköpunar- og samþættingarverkefnum þar sem leitast er við að leysa verkefni á sem skilvirkastan hátt með þeim lausnum sem henta best hverju sinni.

Helstu verkefni og ábyrgð

Greining á þörfum, tæknilegum kröfum og hönnun hugbúnaðarlausna sem styðja við vinnuferla háskólans
Forritun á lausnum, uppbygging á gagnaskilum (API) og hönnun/útfærsla á samþættingu milli kerfa
Þátttaka í þróun upplýsingatækni innan HR

Menntunar- og hæfniskröfur

Grunnháskólapróf í tölvunarfræði eða öðru sambærileguraungreinanámi
Umtalsverðstarfsreynsla í flóknu tækniumhverfi
Þekking og/eða reynsla af eftirfarandi: C#, SQL, ReactJS, REST API og MSMQ
Færni í þarfagreiningu og reynsla af Scrum/Kanban aðferðarfræði
Skipulagshæfni og sjálfstæð vinnubrögð
Frumkvæði, metnaður og sveigjanleiki
Góð íslensku- og enskukunnátta

Umsóknarfrestur er til og með 6. ágúst 2024. Með umsókn skal fylgja ferilskrá og kynningarbréf. Háskólinn í Reykjavík hvetur öll kyn til að sækja um. Einungis er tekið við umsóknum í gegnum umsóknarkerfið. Nánari upplýsingar veita Kristján H Hákonarson forstöðumaður upplýsingatækni, [email protected] og Ester Gústavsdóttir mannauðsstjóri, [email protected]. Farið er með allar fyrirspurnir og umsóknir sem trúnaðarmál.

Háskólinn í Reykjavík hefur haslað sér völl sem öflugur rannsóknaháskóli á alþjóðavísu. Háskólinn stenst samanburð við erlenda háskóla í fremstu röð og fræðafólk skólans hefur náð framúrskarandi árangri. Kennsla og rannsóknir við Háskólann í Reykjavík mótast af sterkum tengslum við atvinnulíf og samfélag. Lögð er áhersla á þverfaglegt samstarf, alþjóðlegt umhverfi, nýsköpun og góða þjónustu.

HR er eftirsóknarverður vinnustaður og þar er lögð áhersla á fyrsta flokks aðstöðu í nærandi umhverfi, persónuleg samskipti, framsæknar kennsluaðferðir og nútímalega starfshætti. HR fagnar fjölbreytileika og mikið er lagt upp úr jafnrétti og virðingu fyrir einstaklingum og störfum þeirra. Nemendur Háskólans í Reykjavík eru um 4.300 í sjö deildum og starfsfólk er um 300 talsins, auk 350 stundakennara.

Auglýsing birt22. júlí 2024

Umsóknarfrestur6. ágúst 2024

Tungumálahæfni