Forfallakennari óskast í Kársnesskóla

Forfallakennari óskast í Kársnesskóla skólaárið 2025 - 2026

Kársnesskóli er heildstæður grunnskóli í vesturbæ Kópavogs. Í skólanum eru um 400 nemendur í 5. til 10. bekk og 65 starfsmenn og þar ríkir góður starfsandi. Unnið er samkvæmt uppeldisstefnunni Uppeldi til ábyrgðar. Í Kársnesskóla eru allir nemendur í 5.-10.bekk með spjaldtölvur og áhersla er á fjölbreytta kennsluhætti.

Gildi skólans eru virðing, þekking, ábyrgð og ánægja.

Ráðningartími og starfshlutfall
Um er að ræða tímabundna ráðningu skólaárið 2025 – 2026 í tilfallandi forföll.

Menntunar- og hæfniskröfur

• Kennaramenntun og réttindi til kennslu
• Þekking og áhugi á kennslu- og uppeldisfræði
• Einlægur áhugi á að vinna með börnum og unglingum
• Þolinmæði og hæfni í mannlegum samskiptum
• Stundvísi og áreiðanleiki er skilyrði

Frekari upplýsingar

Laun eru samkvæmt kjarasamningi Sambands íslenskra sveitarfélaga og KÍ

Ráðning er frá og með 10. september 2025

Bent er á að samkvæmt lögum verða umsækjendur að skila sakavottorði.

Eingöngu er tekið við umsóknum í gegnum ráðningarvef Alfreðs.

Öllum umsóknum verður svarað þegar ákvörðun um ráðningu hefur verið tekin.

Góðar upplýsingar um skólann má finna á heimasíðu skólans http://karsnesskoli.is/

Upplýsingar gefur Sigrún Valdimarsdóttir skólastjóri í síma 441-4600.

Öll, óháð kyni eru hvött til að sækja um starfið.