Flækjumeistari óskast

Lindaskóli er skemmtilegur og lifandi vinnustaður þar sem lögð er áhersla á metnað í námi, vellíðan nemenda og gott samstarf starfsfólks. Við vinnum í teymum og leggjum áherslu á jákvætt starfsumhverfi, samvinnu og faglega þróun. Skólinn státar einnig af öflugri skemmtinefnd sem stuðlar að góðum starfsanda.

Lindaskóli er heildstæður grunnskóli í Kópavogi. Í skólanum um 470 nemendur í 1. -10. bekk og 90 starfsmenn. Þar ríkir góður starfsandi og vinnuaðstæður eru góðar. Lindaskóli leggur rækt við listir og menningu í skólastarfinu. Hann leggur jafnframt áherslu á umhverfismennt og er Réttindaskóli UNICEF. Virk heilsuefling er eitt einkenna skólans og hefur til margra ára verið í forystusveit skóla sem hafa tekið þátt í Skólahreysti. Mikil og góð samvinna er milli skólans og heimila í nærumhverfinu. Mikil áhersla er lögð á upplýsingatækni og fjölbreytta kennsluhætti.

Gildi Lindaskóla eru Vinátta, Virðing, Viska.

Lindaskóli óskar eftir að ráða metnaðarfullan og jákvæðan textílkennara til starfa frá og með næsta skólaári.

Ert þú góð/ur í að leysa flækjur og fær þegar snurða hleypur á þráðinn?

Við leitum að skapandi og lausnamiðuðum textílkennara.

Í starfinu felst að leiðbeina nemendum í textílmennt, efla sköpunargleði og styðja þau í að finna eigin leiðir til að leysa verkefni.

Við leggjum áherslu á jákvætt og hvetjandi námsumhverfi þar sem forvitni, þolinmæði og frumkvæði fá að njóta sín.

Við leitum að einstaklingi sem:

• er lausnamiðaður og nýtur þess að „leysa úr flækjum“
• hefur áhuga á skapandi kennsluháttum
• býr yfir þekkingu á textílsögu og íslensku handverki
• hefur áhuga á sjálfbærni og endurnýtingu í textíl
• á auðvelt með samskipti og samstarf

Við leitum að kennurum sem hafa brennandi áhuga á starfi með börnum, vilja taka þátt í öflugu skólastarfi og leggja sitt af mörkum til að efla bæði nám og líðan nemenda.