Laus störf Hæfnileit Vinnustaðir Námskeið

Norðurþing

Norðurþing er sveitarfélaga á norðausturlandi sem varð til árið 2006 við sameiningu Húsavíkurbæjar, Öxarfjarðarhrepps, Raufarhafnarhrepps og Kelduneshrepps. Norðurþing er víðfemt sveitarfélaga og þéttbýliskjarnar eru þrír í sveitarfélaginu; Húsavík, Kópasker og Raufarhöfn. Auk þess eru sveitirnar Reykjahverfi, Kelduhverfi, Núpasveit og Öxarfjörður. Íbúar eru um 3.200 talsins.

Vinnustaðurinn

Fjármálastjóri

Leitað er eftir metnaðarfullum einstaklingi til að taka þátt í spennandi og krefjandi verkefnum hjá sveitarfélaginu.

Fjármálastjóri hefur yfirumsjón með áætlanagerð og uppgjöri sveitarfélagsins og samhæfingu verkefna á sviði fjármála. Næsti yfirmaður er sveitarstjóri og er fjármálastjóri staðgengill hans.

Helstu verkefni og ábyrgð

Ábyrgð á daglegri fjármálastjórn sveitarfélagsins
Undirbúningur, gerð og eftirfylgni fjárhagsáætlana
Yfirumsjón með fjárreiðum, innkaupum og reikningshaldi
Yfirumsjón með framlagningu árshlutareikninga og ársreikninga
Samstarf og samskipti við endurskoðendur
Greiningarvinna og miðlun upplýsinga til kjörinna fulltrúa og stjórnenda
Samningagerð og samskipti við aðila innan og utan sveitarfélagsins
Ýmis umbótaverkefni sem snúa m.a. að innleiðingu nýrra kerfa og gerð verkferla
Ábyrgð á launavinnslu og umsjón og eftirliti með kjarasamningum
Önnur tilfallandi verkefni

Menntunar- og hæfniskröfur

Háskólapróf á sviði fjármála, viðskipta, endurskoðunar eða reksturs. Framhaldsmenntun æskileg
Reynsla af reikningshaldi, endurskoðun, áætlanagerð og fjármálastjórnun
Stjórnunarreynsla og þekking á opinberri stjórnsýslu æskileg
Afar góð greiningarhæfni og færni í notkun upplýsingatækni
Reynsla af samningagerð kostur
Góð leiðtoga-, samskipta- og stjórnunarhæfni
Frumkvæði, drifkraftur og metnaður til að ná árangri í starfi
Hæfni til að miðla þekkingu og upplýsingum á íslensku og ensku