Félagsráðgjafi í barnavernd – Hveragerðisbær leitar að öflugum liðsmanni

Velferðarsvið Hveragerðisbæjar auglýsir laust til umsóknar 100% starf félagsráðgjafa/ráðgjafa í barnavernd. Leitað er að fagmanneskju sem brennur fyrir velferð barna og fjölskyldna, býr yfir sterkri fagmennsku og hefur getu til að vinna sjálfstætt í krefjandi umhverfi. Helstu verkefni er meðferð og vinnsla barnaverndarmála og eftirfylgni þeirra.

Hveragerðisbær er öflugt, vaxandi samfélag sem leggur mikla áherslu á velferð og málefni fjölskyldna og barna. Á velferðarsviði er lögð áhersla á þverfaglega vinnu og stuðning starfsmanna í teymisstarfi við úrlausn margþættra verkefna sem tengjast fjölskyldum og börnum með það markmið að efla lífsgæði og hagsæld þeirra.