Félagsráðgjafi - Geðheilsumiðstöð barna
Hefur þú áhuga á að taka þátt í starfi með börnum og unglingum með geð- og þroskavanda?
Heilsugæsla höfuðborgarsvæðisins leitar af félagsráðgjafa til starfa hjá Geðheilsumiðstöð barna. Starfað er í þverfaglegu teymi við ráðgjöf og greiningu barna með geð- og þroskaraskanir.
Geðheilsumiðstöð barna (GMB) veitir 2. stigs heilbrigðisþjónustu á landsvísu fyrir fjölskyldur með börn frá meðgöngu að 18 ára aldri. Miðstöðin sinnir greiningu, ráðgjöf og meðferð vegna geð- og þroskavanda barna og unglinga ásamt því að styðja við tengslamyndun foreldra og barna frá 0-5 ára. Starfshópur GMB er þverfaglegur og vinnur eftir markvissu skipulagi með fagleg gæði að leiðarljósi. Áhersla er á gott viðmót og fjölskyldumiðaða þjónustu. GMB á reglulegt samstarf við þjónustuveitendur víðsvegar um landið og sinnir starfsþjálfun háskólanema á sviðinu.
Um er að ræða 100% ótímabundið starf og æskilegt er að viðkomandi geti hafið störf 1. janúar nk. eða eftir nánara samkomulagi.
Félagsráðgjafi starfar í þverfaglegu teymi við greiningu og meðferð barna með geð- eða þroskavanda. Fjölskylduvinna er einn lykilþátta starfsins. Félagsráðgjafi tekur virkan þátt í umbótastarfi og þróun þjónustu. Félagsráðgjafi hefur enn fremur það hlutverk að veita foreldrum stuðning varðandi félagsleg réttindi og úrræði og eiga samskipti við aðra þjónustuaðila innan félags-, velferðar- og skólakerfis.
- Íslenskt starfsleyfi í félagsráðgjöf gefið út af embætti landlæknis
- Þekking og reynsla af vinnu með börnum og fjölskyldum þeirra
- Þekking á taugaþroska- og geðheilbrigðisvanda barna og unglinga
- Þekking og reynsla af þjónustukerfum sem sinna börnum og fjölskyldum þeirra
- Faglegur metnaður, sjálfstæði í starfi, frumkvæði og öguð vinnubrögð
- Góð hæfni í mannlegum samskiptum og áhugi og vilji til að starfa í þverfaglegu teymi
- Góð íslenskukunnátta
- Góð almenn tölvukunnátta
- Heilsustyrkur
- Tækifæri til sí- og endurmenntunar
Íslenska
