Félagsmiðstöð Háaleitisskóla - Umsjónarmaður

Félagsmiðstöð í Háaleitisskóla auglýsir eftir starfsmanni í 100% starf sem umsjónarmaður félagsmiðstöðvarinnar.

Fjölbreytt, skemmtilegt og skapandi starf með ungmennum. Tækifæri til stefnumótunar í nánu samstarfi við starfsfólk Fjörheima félagsmiðstöðvar og stjórnendur í Háaleitisskóla. Stefnt er að því að bjóða upp á dag- og kvöldopnanir fyrir ungmenni í Háaleitisskóla með áherslu á leik, sköpun, lýðheilsu og ungmennalýðræði. Félagsmiðstöðin er staðsett í Háaleitisskóla á Lindarbraut 624, 235 Reykjanesbæ.

Um er að ræða ótímabundna ráðningu. Vinnutími er frá kl. 08:00-16:00/ 09:00-17:00 eða 14:00-22:00.

Gildi Reykjanesbæjar eru virðing, eldmóður og framsækni og mikilvægt er að viðkomandi endurspegli þau gildi í sínum störfum.

Helstu verkefni:

• Umsjón með félagsmiðstöð í Háaleitisskóla.
• Bjóða upp á dag- og kvöldopnanir fyrir ungmenni í Háaleitisskóla.
• Leiðbeina og tryggja þátttöku ungmenna í starfi með styrkleika þeirra að leiðarljósi.
• Skipulagning og uppsetning á viðburðum, klúbbum eða öðrum verkefnum.
• Umsjón með starfsmannafundum.
• Undirbúningur og frágangur í upphafi/ lok hvers dags.

Menntunar- og hæfniskröfur:

• Háskólapróf í Tómstunda- og félagsmálafræði og/eða önnur uppeldismenntun sem nýtist í starfi.
• Samskipta- og samvinnuhæfni, ásamt getu til að miðla upplýsingum.
• Jákvætt og lausnamiðað hugarfar.
• Sveigjanleiki og hjálpsemi.
• Þolinmæði og umhyggja.
• Hæfni til þess að lesa í aðstæður.
• Virðing fyrir ungmennum og samstarfsfólki, skoðunum þeirra og upplifun.
• Tæknilæsi eða vilja til þess að nýta sér tækni í starfi.
• Hæfni til að tjá sig í ræðu og riti á íslensku og ensku.
• Hreint sakarvottorð.