Laus störf Hæfnileit Vinnustaðir Námskeið

Skólamatur

Skólamatur ehf. er fjölskyldufyrirtæki sem sérhæfir sig í framleiðslu og framreiðslu á hollum og ferskum mat, elduðum frá grunni fyrir leik- og grunnskóla. Skólamatur ehf. var stofnað í janúar 2007. Fyrirtækið er í eigu Axels Jónssonar matreiðslumeistara sem hefur áratuga reynslu af alhliða veitingarekstri. Hjá Skólamat starfa um 200 starfsmenn. Starfsmannavelta fyrirtækisins er lág og starfsaldur hár. Rúmlega helmingur núverandi starfsmanna hefur unnið í 5 ár eða lengur hjá fyrirtækinu. Skólamatur leggur áherslu á að skapa fjölskylduvænt vinnuumhverfi þar sem hæfileikar, þekking og reynsla hvers starfsmanns fær að njóta sín. Við leggjum áherslu á símenntun og fræðslu og að starfsmenn fái tækifæri til þess að eflast og þróast í starfi. Markmið Skólamatar er að ráða, efla og halda hæfu og reynslumiklu starfsfólki. Gildi Skólamatar eru: Jákvæðni, fjölskylda og virðing.

Vinnustaðurinn

Ertu sveigjanleg/ur/t

Finnst þér gaman að flakka á milli starfsstöðva og koma til bjargar á hverjum degi?

Ef svo er þá erum við hjá Skólamat með starf fyrir þig! 😊

En Skólamatur leitar eftir “flakkara” í 100% fast starf sem flakkar á milli starfsstöðva í leik og grunnskólum fyrirtækisins á höfuðboragrsvæðinu og sér um afleysingar ef upp koma veikindi eða önnur forföll.

Vinnutíminn er sveigjanlegur og getur verið á milli 7-16 mánudaga til föstudaga.

Viðkomandi þarf að vera með bílpróf og bíl til umráða.

Starfið felst í undirbúningi og afgreiðslu máltíða og frágangi ásamt léttum þrifum í eldhúsinu.

Hæfniskröfur:

· Reynsla úr sambærilegu starfi kostur

· Góð íslenskukunnátta

· Jákvæðni, sveigjanleiki, snyrtimennska, stundvísi og lausnamiðuð hugsun

Öll kyn eru hvött til að sækja um starfið.

Óskað er eftir að starfsmaður geti hafið störf sem fyrst.

Fyrirspurnir um starfið berist á [email protected].

Skólamatur ehf. er fjölskylduvænt fyrirtæki sem sérhæfir sig í framleiðslu og framreiðslu á máltíðum fyrir mikilvægasta fólkið.

Auglýsing birt20. nóvember 2023