Laus störf Hæfnileit Vinnustaðir Námskeið

Sensa ehf.

Sensa er alþjóðlegt þjónustufyrirtæki með starfsstöðvar í tólf löndum sem sérhæfir sig í fjölbreyttum lausnum í upplýsingatækni. Hjá Sensa starfar reynslumikill hópur sérfræðinga með hátt þekkingarstig. Við bjóðum upp á sveigjanlegt vinnuumhverfi þar sem reynt er að koma til móts við þarfir hvers og eins eftir bestu getu. Markmið Sensa er að vera ávallt í fararbroddi þar sem sterk liðsheild, hátt þekkingarstig og verðmæt viðskiptasambönd spila stórt hlutverk. Áhersla er lögð á að starfsfólk styrki sig í þekkingu og menntun með ýmsu móti og geti vaxið á eigin forsendum. Eigandi Sensa er norska fyrirtækið Crayon sem starfar í 46 löndum. Crayon býður ýmsar lausnir í upplýsingatækni og er Sensa virkur þátttakandi í þróun þeirra lausna og í þjónustu við fyrirtæki á alþjóðavettvangi.  

Vinnustaðurinn

Ert þú næsta tækniborðshetja Sensa?

Við leitum að lausnamiðuðum einstaklingi með góða þjónustulund og vilja til að læra og þróast í starfi.

Sensa leitar að sérfræðingi á tækniborð sem nýtur þess að hjálpa öðrum og vinna í hröðu og fjölbreyttu umhverfi. Á tækniborði starfar öflugur hópur fólks sem sinnir fjölbreyttum erindum viðskiptavina í gegnum síma og verkbeiðnakerfi. Mikilvægt er að geta unnið bæði sjálfstætt og í teymi – ásamt því að vera með einstaka þjónustulund.

Starfið býður upp á fjölbreytt verkefni þar sem enginn dagur er eins, sem gerir vinnuna lifandi og áhugaverða. Þú munt eiga í beinum samskiptum við viðskiptavini og sjá áþreifanlegan árangur af vinnunni. Að auki felur starfið í sér þróunarmöguleika og tækifæri til að sérhæfa þig frekar innan upplýsingatækninnar.

Helstu verkefni og ábyrgð

Þjónusta við viðskiptavini í gegnum síma og fjartengingar
Lausnamiðuð bilanagreining og úrbætur
Umsýsla og aðstoð með Microsoft 365 umhverfi
Þátttaka í rekstri og viðhaldi á kerfum viðskiptavina

Menntunar- og hæfniskröfur

Reynsla eða þekking á rekstri útstöðva er kostur
Hæfileiki til að vinna skipulega að mörgum verkefnum á sama tíma
Hæfileiki til að læra og aðlagast nýrri tækni
Hæfileiki til að miðla þekkingu á skipulagðan máta
Microsoft gráður kostur
Góð íslensku- og enskukunnátta
Bílpróf

Mátaðu þig við starfið:

Þetta starf hentar þér ef þú:

Nýtur þess að leysa vandamál
Hefur gaman af samskiptum við fólk
Vilt þróast í upplýsingatækni
Getur unnið sjálfstætt en líka í teymi

Fríðindi í starfi

Samgöngustyrkur fyrir þá sem kjósa annan ferðamáta en einkabílinn
Heilsueflingarstyrkur
Hjólageymsla, líkamsræktar- og sturtuaðstaða
Fyrsta flokks mötuneyti
Sveigjanlegur vinnutími og möguleikar á fjarvinnu

Sensa er alþjóðlegt 120 manna þjónustufyrirtæki sem sérhæfir sig í upplýsingatækni á fyrirtækjamarkaði.

Hjá okkur starfar öflugt teymi sérfræðinga sem styðja hvert annað og deila þekkingu. Við leggjum mikla áherslu á góðan starfsanda, sveigjanleika og að starfsfólk hafi svigrúm til að þróast í starfi.

Við bjóðum upp á nútímalegt og sveigjanlegt vinnuumhverfi þar sem starfsfólk fær tækifæri til aukinnar menntunar á sviði upplýsingatækni og svigrúm til að vaxa á eigin forsendum. Mikil áhersla er lögð á velferð starfsmanna, góðan starfsanda og hvetjandi og skemmtilegt starfsumhverfi.

Umsóknarfrestur er til og með 19. apríl nk. en byrjað verður að vinna úr umsóknum um leið og þær berast.
Gerð er krafa um að umsækjendur hafi hreint sakavottorð.
Einungis er tekið á móti umsóknum í gegnum umsóknarkerfi Alfreðs.
Nánari upplýsingar um starfið veitir Jörundur Kristinsson, í gegnum netfangið [email protected]

Hljómar þetta eins og eitthvað fyrir þig? Við hvetjum þig til að sækja um, óháð kyni – við förum yfir umsóknir jafnóðum.

Auglýsing birt14. apríl 2026

Umsóknarfrestur19. apríl 2026

Tungumálahæfni