Deildarstjóri í þjónustukjarna - Akraneskaupstaður
Velferðar- og mannréttindasvið Akraneskaupstaðar leitar eftir öflugum deildarstjóra í 80-100% starf í þjónustukjarna fyrir fólk með fötlun. Í þjónustukjarna er fötluðu fólki með langvarandi stuðningsþarfir veitt aðstoð og stuðningur til sjálfstæðs lífs og félagslegrar þátttöku í samfélaginu. Akraneskaupstaður er ört vaxandi sveitarfélag með um 8600 íbúa og er meðal stærstu vinnuveitenda á Akranesi en hjá bænum starfa tæplega 800 manns. Um er að ræða krefjandi, fjölbreytt og spennandi starf í starfsumhverfi sem leggur áherslu á jákvæðni, metnað og víðsýni í þjónustu við íbúa.
Auglýst er eftir þroskaþjálfa, iðjuþjálfa eða öðrum fagaðila með háskólamenntun í félags- eða heilbrigðisvísindum sem nýtist í starfi. Um er að ræða 80-100% stöðu í þjónustukjarna fyrir fólk með fötlun.
Æskilegt er að viðkomandi geti hafið störf sem fyrst. Unnið er eftir hugmyndafræði um Þjónandi leiðsögn (Gentle Teaching) og valdeflingu. Starfsmenn þurfa að tileinka sér þessa hugmyndafræði og vinna eftir henni.
- Yfirsýn yfir stuðningsþarfir íbúa og bera ábyrgð á skipulagningu og eftirfylgd þjónustu.
- Gerð einstaklingsáætlana, eftirfylgd og endurskoðun
- Persónulegur stuðningur við íbúa og aðstoð við athafnir daglegs lífs.
- Fagleg leiðsögn, fræðsla og stuðningur til starfsmanna.
- Samskipti við utanaðkomandi fagaðila og stofnanir.
- Þátttaka í þróun og mótun þjónustunnar.
- Háskólamenntun í þroska-, iðjuþjálfa- eða félags- og heilbrigðisvísindum.
- Jákvæð reynsla af vinnu með fötluðu fólki.
- Framúrskarandi samskiptahæfni og fagleg framkoma.
- Hæfni til að bregðast við krefjandi aðstæðum og lausnamiðuð viðhorf
- Jákvæðni, frumkvæði, skipulagshæfni og sjálfstæði í vinnu.
- Góð íslenskukunnátta.
- Ökuréttindi og vilji til að keyra með notendum þjónustunnar.
- Hreint sakavottorð.
- Almenn tölvukunnátta, þekking á skráningarkerfum og Office-forritum.
Íslenska
