Almenn starfsumsókn - Þorláksskóli

Þorláksskóli er nýr sérskóli fyrir einhverf börn sem tekur til starfa haustið 2026 í Garðabæ. Við leitum að áhugasömu og metnaðarfullu starfsfólki sem vill taka þátt í að byggja upp faglegt, öruggt og styðjandi skólaumhverfi þar sem hvert barn fær að vaxa á sínum forsendum.

Skólinn vinnur eftir hugmyndafræði TEACCH og DIR/Floortime og byggir starf sitt á taugaþroskavænni og áfallamiðaðri nálgun þar sem öryggi, tengsl og skynúrvinnsla mynda grunn að námi og þroska. Áhersla er lögð á einstaklingsmiðað nám, fyrirsjáanlegt og stuðningsríkt umhverfi og traust tengsl sem styðja þátttöku, vellíðan og sjálfstæði nemenda.

Við leitum að fólki í fjölbreytt störf, meðal annars:

• Þroskaþjálfum
• Stuðningsfulltrúum
• Starfsfólki í frístund og lengdri viðveru
• Fagfólki með reynslu af skynúrvinnslu og taugaþroskavænni nálgun
• Einstaklingum með áhuga og reynslu af starfi með einhverfum börnum

Við leitum að fólki sem:

• Ber virðingu fyrir fjölbreytileika og styrkleikum einhverfra barna
• Hefur jákvætt viðhorf, þolinmæði og góða samskiptahæfni
• Getur unnið í teymi og tekið þátt í uppbyggingu nýs skólastarfs
• Sýnir frumkvæði, fagmennsku og skipulagshæfni
• Hefur áhuga á að læra og þróast í starfi

Við leggjum ríka áherslu á faglegt starfsumhverfi, stuðning við starfsfólk og vinnustaðamenningu þar sem öryggi, virðing og vellíðan eru í fyrirrúmi.

Skilyrði er að umsækjendur hafi hreint sakavottorð.

Ef þú hefur áhuga á að taka þátt í þessari vegferð með okkur hvetjum við þig til að senda almenna umsókn.

Sendið ferilskrá og stutt kynningarbréf

Umsóknarfrestur er til og með 1. apríl 2026.

Nánari upplýsingar veitir Vigdís Gunnarsdóttir, [email protected]

Heimasíða: www.thorlaksskoli.is