Laus störf Hæfnileit Vinnustaðir Námskeið

Marbakki

Leikskólinn Marbakki tók til starfa árið 1986 og er staðsettur á einkar fallegum stað í Sæbólshverfi í Kópavogi. Einkunnarorð Marbakka eru sjálfstæð, glöð og skapandi börn. Leikskólinn starfar eftir starfsaðferðum Reggio Emilia en undirstaða þeirra starfsaðferða er lýðræði. Lögð er áhersla á að börnin alist upp við að þau hafi heilmikið um sitt eigið líf að segja, þau hafi bæði rödd og áhrif. Litið er á barnið sem hæfileikaríkt og skapandi og að virkni þess og áhugahvöt sé árangursríkasti drifkrafturinn í námi þess.

Vinnustaðurinn

Deildarstjóri í leikskólann Marbakka

Leikskólinn Marbakki auglýsir eftir deildarstjóra í 100% stöðu.

Leikskólinn Marbakki er fimm deilda leikskóli með rými fyrir 99 börn. Leikskólinn tók til starfa árið 1986 og er staðsettur í Sæbólshverfi í Kópavogi. Unnið er í anda starfsaðferða Reggio Emilia. Einkunnarorð skólans eru sjálfstæð, glöð og skapandi börn.

Leitað er eftir deildarstjóra sem hefur áhuga á starfi í anda Reggio Emilia og vill taka þátt í lærdómssamfélagi þar sem stöðugt er unnið að skólaþróun.

Helstu verkefni og ábyrgð

Vinnur að uppeldi og menntun leikskólabarna samkvæmt starfslýsingu deildastjóra.
Ber ábyrgð á stjórnun, skipulagi deildar og miðlun upplýsinga.
Sinnir móttöku, þjálfun og leiðsögn nýs starfsfólks samkvæmt ferlum leikskólans.
Er hluti af stjórnendateymi leikskólans og kemur að áætlanagerð og mati.
Skipuleggur samvinnu við foreldra/forráðamenn barnanna á deildinni, s.s. aðlögun, dagleg samskipti og foreldraviðtöl.
Tryggir að sérhvert barn á deildinni fái kennslu, leiðsögn og umönnun eftir þörfum.
Sinnir þeim verkefnum er varða uppeldi og menntun barnanna og stjórnun deildarinnar sem yfirmaður felur viðkomandi.

Menntunar- og hæfniskröfur