Laus störf Hæfnileit Vinnustaðir Námskeið

Sveitarfélagið Árborg

Sveitarfélagið Árborg er fjölmennasta sveitarfélagið á Suðurlandi. Það varð til við sameiningu Eyrarbakkahrepps, Sandvíkurhrepps, Selfossbæjar og Stokkseyrarhrepps. Sveitarfélagið hefur vaxið ört síðastliðin ár og telur nú tæplega 12.000 íbúa. Þar er miðstöð þjónustu á Suðurlandi, góðir skólar ásamt öflugu íþrótta-, félags- og menningarlífi. Starfsmenn sveitarfélagsins eru um 1000 og lögð er áhersla á að skapa starfsumhverfi sem stuðlar að vellíðan og árangri, þar sem starfað er af fagmennsku og góðum ásetningi með hag sveitarfélagsins að leiðarljósi.

Vinnustaðurinn

Deildarstjóri hagdeildar hjá Árborg

Sveitarfélagið Árborg leitar eftir kraftmiklum og áhugasömum einstaklingi með brennandi áhuga á greiningu, úrvinnslu og framsetningu hagupplýsinga til að taka að sér deildarstjórastöðu hagdeildar. Hagdeildin heyrir undir fjármálasvið og vinnur að þróun greininga og upplýsingagjafar í ört vaxandi sveitarfélagi. Mikil áhersla er lögð á stafræna þróun í samstarfi við nýja upplýsingatæknideild Árborgar.

Menntunar- og hæfniskröfur

Háskólamenntun sem nýtist í starfi, viðskiptafræði eða sambærilegt

Góð þekking og reynsla í fjárhagsbókhaldi

Færni í framsetningu tölfræðilegra upplýsinga

Krafa er gerð um góða tölvufærni

Þekking og reynsla af opinberri stjórnsýslu er kostur

Þekking og reynsla af notkun Navision bókhaldskerfis er kostur

Brennandi áhugi á talna- og gagnavinnslu

Frumkvæði og samstarfshæfni í teymisvinnu

Skipulögð, nákvæm og öguð vinnubrögð

Hæfni til að tjá sig í ræðu og riti er kostur

Þjónustulund, góð framkoma og jákvætt viðmót

Helstu verkefni og ábyrgð

Ábyrgð á þróunarstarfi og markmiðum hagdeildar

Greiningar á rekstri sveitarfélagsins og stofnana þess

Eftirlit með rekstri og framfylgd fjárhagsáætlana

Skýrslugerð, ráðgjöf og fræðsla til stjórnenda er varðar fjármál, rekstur og hagtölur

Undirbúningur og gerð fjárhagsáætlana

Undirbúningur og gerð ársreiknings

Um er að ræða fullt starf og er það kostur ef viðkomandi getur hafið störf sem fyrst.

Vakin er athygli á stefnu Árborgar að jafna hlutfall kynjanna í störfum og að vinnustaðir endurspegli fjölbreytileika samfélagsins.

Laun fara eftir kjarasamningi Sambands íslenskra sveitarfélaga og viðeigandi stéttarfélags.

Umsóknum skal fylgja starfsferilsskrá og kynningarbréf þar sem gerð er grein fyrir ástæðu umsóknar og hvernig viðkomandi uppfyllir hæfniskröfur starfsins.

Nánari upplýsingar veitir:

Ingibjörg Garðarsdóttir, fjármálastjóri, [email protected], sími 480-1900.

Umsóknarfrestur er til og með 14. apríl n.k.

Eingöngu er hægt að sækja um starfið á ráðningarvef sveitarfélagsins.

Auglýsing birt31. mars 2021

Umsóknarfrestur14. apríl 2021

Tungumálahæfni

Engar sérstakar tungumálakröfur

Staðsetning

Austurvegur 2, 800 Selfoss

Starfstegund

Starfsgreinar