Laus störf Hæfnileit Vinnustaðir Námskeið

Skrifstofa Alþingis

Hlutverk skrifstofu Alþingis er að styðja við starfsemi Alþingis svo að þingið og þingmenn geti sinnt hlutverkum sínum samkvæmt stjórnarskrá og lögum. Meginverkefni skrifstofunnar eru að vera forseta til aðstoðar, framfylgja ákvörðunum hans og forsætisnefndar auk ákvarðana á fundi forseta með þingflokksformönnum. Enn fremur að veita alþingismönnum, nefndum og þingflokkum faglega aðstoð og þjónustu, að hafa á hendi almennan rekstur þingsins og stjórnsýslu og að varðveita og miðla upplýsingum um hlutverk og starfsemi Alþingis.

Vinnustaðurinn

Deildarstjóri fasteignaumsjónar á skrifstofu Alþingis

Skrifstofa Alþingis leitar að metnaðarfullum og áhugasömum einstaklingi í starf deildarstjóra fasteignaumsjónar á fjármála- og rekstrarsviði. Í starfinu felst dagleg stjórnun deildarinnar, innkaup og umsjón með húseignum og ýmsum búnaði Alþingis ásamt samskiptum við hagaðila. Við leitum að einstaklingi sem lætur sér annt um eignir þingsins og er lipur í mannlegum samskiptum. Verkefnin eru krefjandi og fjölbreytt á lifandi og skemmtilegum vinnustað.

Helstu verkefni og ábyrgð

Umsjón og eftirlit með rekstri og viðhald á fasteignum, húsbúnaði og lóðum Alþingis
Áætlana- og samningagerð vegna viðhalds og reksturs eigna
Kostnaðargreining framkvæmda á vegum þingsins
Öflun tilboða ásamt samskiptum við verktaka og aðra hagsmunaaðila
Samantekt og úrvinnsla tölfræðiupplýsinga
Skipulag daglegra verkefna deildarinnar

Menntunar- og hæfniskröfur

Menntun í byggingafræði eða sambærileg tæknimenntun á háskólastigi
Iðnmenntun er kostur
Þekking og reynsla á framkvæmdum og viðhaldi fasteigna og helstu kerfum þeirra
Reynsla af kostnaðarútreikningum, áætlunar- og samningagerð
Gagnrýnin og lausnamiðuð hugsun og öguð vinnubrögð
Frumkvæði, sjálfstæði og faglegur metnaður
Mikil færni í mannlegum samskiptum og hæfileikar til samstarfs
Góð tölvu- og tæknikunnátta, þekking og reynsla á Revit og/eða AutoCAD kostur
Góð íslensku- og enskukunnátta í ræðu og riti
Reynsla og þekking á sviði opinberrar stjórnsýslu er kostur

Umsækjendur eru beðnir að sækja um starfið í ráðningarkerfi Orra. Umsókn skulu fylgja ferilskrá, kynningarbréf þar sem umsækjandi rökstyður hæfni sína til að gegna starfinu, staðfesting á prófgráðum og upplýsingar um meðmælendur. Umsóknir gilda í sex mánuði frá því að umsóknarfrestur rennur út. Öllum umsóknum verður svarað þegar ákvörðun um ráðningu liggur fyrir.

Tekið er mið af jafnréttisáætlun skrifstofu Alþingis við ráðningar. Starfið hentar öllum kynjum og áhugasöm eru hvött til að sækja um. Skrifstofa Alþingis hefur hlotið jafnlaunavottun og starfar í samræmi við betri vinnutíma. Gildi skrifstofu Alþingis eru fagmennska, virðing og framsækni.

Nánari upplýsingar um starfsemi Alþingis og skrifstofu þingsins er að finna á vef Alþingis.

Auglýsing birt13. september 2024

Umsóknarfrestur23. september 2024

Tungumálahæfni