Laus störf Hæfnileit Vinnustaðir Námskeið

Umhverfis- og skipulagssvið

Á Umhverfis og skipulagssviði er unnið að fjölbreyttum verkefnum sem eiga að auðga mannlífið í borginni. Nánar má lesa um sviðið hér: https://reykjavik.is/umhverfis-og-skipulagssvid Starfsfólk umhverfis- og skipulagssviðs býr yfir einstakri fagþekkingu í þeim málaflokkum sem sviðið sinnir og gegnir lykilhlutverki í því að gera Reykjavík að enn betri borg. Leiðarljós sviðsins eru aukin lífsgæði í Reykjavík með framúrskarandi þjónustu og metnaði fyrir enn betri borg.

Vinnustaðurinn

Deildarstjóri eftirlitsmála

Umhverfis- og skipulagssvið Reykjavíkurborgar óskar eftir að ráða öflugan og metnaðarfullan einstakling til að leiða nýja deild eftirlitsmála. Undir deildina fellur skilmálaeftirlit byggingarfulltrúa, eftirlit með afnotum borgarlands, eftirlit með framkvæmdarleyfum og annað tilfallandi eftirlit með borgarlandinu. Við leitum að einstaklingi með ríka forystu- og samskiptahæfileika, frumkvæði til að þróa nýjar lausnir og vilja til að leiða breytingar. Um er að ræða fjölbreytt og krefjandi starf í faglegu starfsumhverfi þar sem áhersla er á teymisvinnu og góða þjónustu. Næsti yfirmaður deildarstjóra er skrifstofustjóri stjórnsýslu, gæða og eftirlits.

Menntunar- og hæfniskröfur

Háskólamenntun á sviði verk- eða tæknifræði, lögfræði, viðskipta- eða rekstrarfræði eða önnur háskólamenntun sem nýtist í starfi.

Framhaldsmenntun sem nýtist í starfi s.s. á sviði stjórnunar er kostur.

Leiðtogahæfileikar.

Frumkvæði og faglegur metnaður.

Mjög góðir hæfileikar til samskipta og samvinnu.

Reynsla af verkefnastjórnun og/eða eftirliti er kostur.

Reynsla af opinberri stjórnsýslu er kostur.

Gott vald á íslensku og ensku og hæfni til að tjá sig í ræðu og riti.

Helstu verkefni og ábyrgð

Stýrir deild eftirlitsmála og er næsti yfirmaður þeirra sérfræðinga og eftirlitsmanna sem starfa á deildinni.

Ber ábyrgð á daglegri skipulagningu og stýringu verkefna deildarinnar.