Deildarforseti sálfræðideildar Háskólans í Reykjavík

Háskólinn í Reykjavík leitar að metnaðarfullum, akademískum leiðtoga í starf deildarforseta sálfræðideildar háskólans. Deildarforseti fer með daglega stjórn deildarinnar og stýrir stefnumótun hennar. Deildarforseti heyrir undir rektor og sviðsforseta samfélagssviðs og situr jafnframt í framkvæmdaráði Háskólans í Reykjavík.

Helstu verkefni

• Mótun framtíðarsýnar og stefnu deildar, í samræmi við stefnu háskólans og annarra deilda
• Stjórnun deildarinnar og upplýsingagjöf til starfsfólks og nemenda
• Ábyrgð á stjórnskipulagi deildarinnar samkvæmt stefnu háskólans og að tryggja þátttöku akademísks starfsfólks og nemenda í stjórnun hennar
• Eftirfylgni með skipulags- og starfsreglum deildarinnar
• Gerð og eftirfylgni fjárhagsáætlunar í samráði við sviðsforseta samfélagssviðs
• Ráðning fasts starfsfólks og mönnun námskeiða við deildina í samráði við sviðsforseta samfélagssviðs
• Tryggja að skipulag námsbrauta sé ætíð í samræmi við viðmið um æðri menntun og prófgráður
• Gerð kennsluskrár deildarinnar og regluleg endurskoðun og uppfærsla námsbrauta með hliðsjón af þörfum íslensks samfélags og atvinnulífs og þróun sambærilegs náms erlendis
• Ábyrgð á árlegu innra gæðamati deildarinnar ásamt skipulagi og þátttöku deildarinnar í ytra mati í samræmi við viðmið Gæðaráðs háskólanna

Hæfniskröfur

Leitað er að einstaklingi með eftirfarandi hæfni.

• Reynsla af leiðtogahlutverki í akademísku umhverfi
• Metnaður til að vinna að stefnumótun og leiða uppbyggingu liðsheildar
• Yfirgripsmikil reynsla af rannsóknum og kennslu á háskólastigi
• Reynsla af alþjóðlegum vettvangi og öflugt tengslanet í faginu á alþjóðavísu
• Doktorspróf á sviði sálfræði eða í sambærilegri grein
• Góð færni í ensku, bæði í ræðu og riti. Íslenskukunnátta er kostur.
• Góð færni og lipurð í mannlegum samskiptum

Nánari upplýsingar

Nánari upplýsingar veita Bryndís Björk Ásgeirsdóttir sviðsforseti samfélagssviðs ([email protected]) eða Ester Gústavsdóttir mannauðsstjóri ([email protected]). Fyrirspurnir og umsóknir verða meðhöndlaðar sem trúnaðarmál.

Umsóknum skal skilað á á ráðningarvef Háskólans í Reykjavík eigi síðar en 15. maí 2026 ásamt ítarlegri ferilskrá, upplýsingum um ritrýndar birtingar, kynningarbréfi og að minnsta kosti þremur meðmælabréfum. Einnig skal fylgja sýn umsækjenda á þróun sálfræðideildar HR næstu fimm árin.

In English