Lektor í hagnýtri atferlisgreiningu
Laust er til umsóknar fullt starf lektors í hagnýtri atferlisgreiningu við Háskóla Íslands. Starfið er í þverfaglegri námsleið við Deild heilsueflingar, íþrótta og tómstunda á Menntavísindasviði og við Sálfræðideild á Heilbrigðisvísindasviði, þar sem lögð er áhersla á börn með sérþarfir. Starfið heyrir formlega undir Deild heilsueflingar, íþrótta og tómstunda á Menntavísindasviði þar sem starfsaðstaða lektorsins er.
Samkvæmt reglum Háskóla Íslands skiptast starfsskyldur kennara í þrjá meginþætti: rannsóknir, kennslu og stjórnun.
-
Kennsla í námskeiðum á meistarastigi á sviði hagnýtrar atferlisgreiningar og leiðbeiningu í rannsóknarverkefnum nemenda.
-
Rannsóknir á sérsviði lektorsins.
-
Þátttaka í stjórnun, nefndarstarfi og þróun náms í hagnýtri atferlisgreiningu.
-
Umsjón með starfsþjálfun nemenda á vettvangi í samstarfi við fagaðila innan og utan háskólans.
-
Viðhald á vottun námsins.
-
Doktorspróf á sviði atferlisgreiningar eða skyldri grein, t.d. sálfræði með sérþekkingu á atferlisgreiningu.
-
Vottun sem klínískur atferlisfræðingur, t.d. frá SATÍS.
-
Kennslureynsla og leiðbeining lokaverkefna nemenda á háskólastigi er kostur.
-
Reynsla af rannsóknum með einliðasniði er æskileg.
-
Rannsóknavirkni, sem kemur m.a. fram í birtingum á ritrýndum vettvangi og reynsla af rannsóknasamstarfi eru æskileg.
-
Skýr framtíðarsýn um rannsóknir.
-
Reynsla af hagnýtri atferlisgreiningu í starfi með börnum er kostur.
-
Góð færni í íslensku og ensku í ræðu og riti.
-
Góð samstarfsfærni og lipurð í mannlegum samskiptum.
-
Frumkvæði og sjálfstæði í starfi.
Íslenska