Vinaminni

Vinaminni er sérhæfð dagdvöl fyrir fólk með heilabilun. Dagdvöl sem þessi er mikilvæg til þess að virkja þann sem er með heilabilun, örva og hvetja til alls þess sem hann ræður við. Efla sjálfstraust og draga úr vanlíðan og vanmætti. En dagdvölin er ekki síður mikilvæg til að geta létt undir með ástvinum og aðstandendum og veita þeim ráðgjöf og stuðning til að takast á við þau vandamál sem upp kunna að koma. Hlutverk starfsmannanna er að þjálfa, styðja og styrkja vitsmunalega og líkamlega hæfni einstaklingsins svo að hann geti viðhaldið sjálfstæði sínu eins lengi og kostur. Mottó okkar er að öllum líði vel og hlakki til að koma til okkar á morgnana. Við leggjum okkur fram um að skapa rólegt og notalegt andrúmsloft í Vinaminni og hafa hlýju og umhyggju að leiðarljósi.

Vinnustaðurinn

Dagþjálfunin Vinaminni óskar eftir sjúkraliða

Dagþjálfunin Vinaminni óskar eftir sjúkraliða í 94% stöðu. Vinaminni er sértæk dagþjálfun fyrir einstaklinga með heilabilun. Unnið er alla virka daga frá kl 8:30 – 15:30, frí um helgar og rauða daga. Viðkomandi þarf að geta hafið störf 1.október n.k.

Starfsmaður í dagdvöl starfar samkvæmt lögum og reglugerð sem við eiga og samkvæmt stefnu Sveitarfélagsins Árborgar.

Í Sveitarfélaginu Árborg búa rúmlega 12.000 íbúar og starfa um 1000 manns hjá sveitarfélaginu. Lögð er áhersla á að skapa starfsumhverfi sem stuðlar að vellíðan og árangri þar sem starfað er af fagmennsku og góðum ásetningi með hag sveitarfélagsins að leiðarljósi.

Helstu verkefni og ábyrgð

Umönnun þjónustuþega
Stýra virknistarfi þjónustuþega
Veita þjónustuþegum félagsskap og stuðning
Sinnir þeim verkefnum sem yfirmaður felur

Menntunar- og hæfniskröfur

Sjúkraliðamenntun áskilin
Reynslu af vinnu með öldruðum og einstaklingum með heilabilunarsjúkdóma æskileg
Frumkvæði, metnaður, skipulagshæfni og sjálfstæð vinnubrögð
Færni í mannlegum samskiptum og samvinnu áskilin
Góð íslenskukunnátta áskilin
Jákvæðni, þolinmæði, stundvísi og heiðarleiki áskilin

Umsóknarfrestur er til og með 15.september.

Laun eru samkvæmt kjarasamningi Sambands íslenskra sveitarfélaga viðkomandi stéttafélags. Vakin er athygli á stefnu Sveitarfélagsins Árborgar að jafna hlut kynjanna í störfum hjá sveitarfélaginu og að vinnustaðir endurspegli fjölbreytileika samfélagsins.

Nánari upplýsingar veitir Bylgja Dögg Kristjánsdóttir, forstöðukona dagdvala aldraðra í Árborg, í síma 482-3361/4821290 eða [email protected]

Umsóknum skal fylgja starfsferilskrá og kynningarbréf þar sem er gerð grein fyrir ástæðu umsóknar og hvernig viðkomandi uppfyllir hæfnikröfur starfsins. Umsóknum er skilað á alfred.is. Mat á hæfni umsækjenda byggist á innsendum gögnum og viðtölum við umsækjendur. Öllum umsóknum verður svarað þegar ákvörðun um ráðningu liggur fyrir. Allar umsóknir eru gildar í 6. mánuði.

Auglýsing birt1. september 2025

Umsóknarfrestur15. september 2025

Tungumálahæfni