Laus störf Hæfnileit Vinnustaðir Námskeið

Möl og Sandur

Möl og Sandur er rótgróið fyrirtæki á Akureyri, stofnað árið 1946, með langa sögu í framleiðslu og vinnslu byggingarefna. Fyrirtækið hóf starfsemi sína með efnisvinnslu og sölu, en árið 1953 var byggð upp aðstaða á Söluvegi þar sem hófst framleiðsla á fylliefnum, steypuefnum, hellum, einingum og fleiri byggingavörum. Í dag rekur fyrirtækið steypustöð og einingarframleiðslu, og árið 2026 flyst starfsemin í nýja og fullkomna steypustöð á Sjafnarnesi þar sem áhersla er lögð á umhverfismál, endurvinnslu og nútímalega tækni.

Vinnustaðurinn

Blöndunarstjóri - Akureyri

Viltu stýra hjarta steypuframleiðslu á Akureyri og hafa yfirsýn yfir framleiðslu og afhendingu?
Við leitum að öflugum blöndunarstjóra til liðs við Möl og Sand (M og S ehf) sem brennur fyrir skipulagi, öryggi og góðri þjónustu.

Sem blöndunarstjóri sérð þú um daglegan rekstur og skipulag steypuframleiðslu og fylgir eftir gæðaviðmiðum og afhendingaráætlunum. Þú vinnur náið með ökumönnum, framleiðslu og verkstæði og tryggir að rétt hráefni og uppskriftir séu notuð í hverri blöndu.

Umsóknafrestur er til 8.mars

Helstu verkefni og ábyrgð

Blanda steypu skv. pöntunum og gæðakröfum
Skipuleggja framleiðslu og afhendingar í nánu samráði við söludeild og akstur
Dagleg umsjón með búnaði steypustöðvar; eftirlit, frágangur og þrif.
Eftirfylgni með öryggis- og umhverfiskröfum og virk þátttaka í umbótum.
Samskipti við viðskiptavini og innri teymi; lausnamiðuð þjónusta og frábær upplýsingagjöf.

Menntunar- og hæfniskröfur

Reynsla af skipulagi framleiðslu og/eða afhendinga; reynsla af starfsmannaforráðum er kostur.
Þjónustulund, lipur samskiptahæfni og skipulögð vinnubrögð.
Þekking á byggingariðnaði eða steypuframleiðslu er æskileg.
Meirapróf (C/CE) og vinnuvélaréttindi eru kostur.
Reynsla af viðhaldi vörubíla og vinnuvéla er kostur.
Góð tölvukunnátta og hæfni til að tileinka sér ný kerfi.

Hvers vegna að starfa hjá Möl og Sand (M og S ehf)?

1) Áherslur í umhverfismálum

Hjá Möl og Sand vinnum við stöðugt að því að gera mannvirkjagerð og jarðvinnu umhverfisvænni. Við leggjum áherslu á vöruþróun og lausnir sem hafa jákvæðari umhverfisáhrif, allt frá hráefnisnýtingu til ábyrgra verklags.
Sjálfbærni, umhverfisvitund, gæði og traust þjónusta eru okkar sameiginlegi drifkraftur og móta hversdagslegt starf.

2) Áherslur á vellíðan og öryggi

Öryggi er alltaf í fyrirrúmi hjá Möl og Sand. Við byggjum upp sterka öryggismenningu þar sem allir eiga að koma heilir heim eftir vinnudaginn.
Við leggjum jafnframt áherslu á heildræna vellíðan, bæði andlega og líkamlega og erum fjölskylduvænn vinnustaður sem styður starfsfólk sitt með:

góðri heilsuverndarþjónustu
stuðningi við heilbrigðan lífsstíl
fríum hádegismat (utan hlunnindaskatts)

3) Áherslur á liðsheild

Gott samstarf er grunnurinn að árangri.
Við hjá Möl og Sand leggjum mikla áherslu á jákvæða starfsmenningu, traust og samvinnu á milli starfsstöðva. Reglulegir viðburðir og öflugt starfsmannafélag skapa skemmtilegar samverustundir fyrir starfsfólk og maka, því samheldið teymi gerir vinnudaginn betri.

4) Áherslur á fræðslumál

Við styðjum vel við starfsfólk sem vill þróast í starfi og bjóðum aðgang að Samsteypufræðslukerfinu, þar sem aðgengilegt stafrænt fræðsluefni heldur utan um þjálfun og hæfnieflingu.
Starfsfólk af erlendum uppruna fær jafnframt aðgang að stafrænum íslenskukennara sem styrkir íslenskukunnáttu og eykur starfsöryggi.

Auglýsing birt19. febrúar 2026

Umsóknarfrestur8. mars 2026

Tungumálahæfni