Barngóð NPA aðstoðarmanneskja óskast

Heill og sæll atvinnuleitandi góður!

Ég er 35 ára karlmaður sem er búsettur í Árbænum ásamt eiginkonu minni og börnum og ég er leita að aðstoðarfólki í NPA þjónustu.

Ef þú ert einstaklingur sem hefur náð 20 ára aldri, ert hress, opinn, reyklaus, ert með þokkalega íslensku-kunnáttu, getur tekið leiðsögn og átt auðvelt með mannleg samskipti, þá er ég að leita að þér.

Ég er að leita að aðstoðarfólki í fullt framtíðarstarf.

Í starfinu felst aðstoð við líkamlegt hreinlæti, heimilisþrif, aðstoð við eldamennsku og verslunarferðir, aðstoð við að sinna börnunum mínum sem eru 1 árs og 3 ára og ýmis konar aðstoð við daglegar athafnir.

Vaktarskipulag er þannig að unnið er í viku frá mánudegi til sunnudags frá 7:45 - 19:45 og svo er vikufrí, möguleiki er á að það verði næturvaktir í framtíðinni.

Sett eru skilyrði um að viðkomandi sé með hreint sakavottorð. Bílpróf er skilyrði.

Starfið er laust og best væri að umsækjandi gæti byrjað sem fyrst.