Barnaborg í Aðaldal leitar að leikskólakennara.
Leikskólinn Barnaborg í Aðaldal leitar að áhugasömum kennara í framtíðarstarf. Barnaborg er hluti af Þingeyjarskóla, samreknum grunn- og leikskóla í Þingeyjarsveit á Norðurlandi. Í starfi skólans er lögð áhersla á að hlúa að sjálfsprottnum leik barnanna, öruggum tengslum barna við umönnunaraðila og virðingu fyrir öllum í leikskólastarfinu. Sjá nánar um skólann á: thingeyjarskoli.is.
- Um er að ræða 80-100% starf.
- Æskilegt að viðkomandi geti hafið störf sem fyrst, eða eftir samkomulagi.
- Aðstoð veitt við að finna húsnæði í nágrenni skólans.
- Umsóknarfrestur er til og með 15. maí 2026.
• Vinna að uppeldi og menntun leikskólabarna samkvæmt starfslýsingu leikskólakennara þ.m.t. að taka þátt í skipulagningu faglegs starfs og foreldrasamstarfi.• Virk þátttaka í skólaþróunarstarfi, skráningu á námi barnanna og reglulegum teymis- og starfsmannafundum.
• Leyfisbréf til kennslu (leyfisbréf fylgi umsókn) eða menntun sem nýtist í starfi.
• Áhugi á að vinna með börnum og þróa öflugt leikskólastarf.
• Góð íslenskukunnátta til að geta átt í hnökralausum samskiptum við börnin og stutt við málþroska þeirra.
• Reynsla af starfi í leikskóla æskileg.
• Mikil hæfni í mannlegum samskiptum og geta til að vinna í teymi.
• Sveigjanleiki, jákvæðni og áreiðanleiki.
• Hreint sakavottorð (fylgi umsókn).
Fáist ekki starfsmaður með leyfisbréf til kennslu verða aðrar umsóknir skoðaðar.
Íslenska
