Ás - Matartæknir/matreiðslumaður óskast til starfa
Við á Ási dvalar- og hjúkrunarheimili leitum að metnaðarfullum og duglegum matartækni/matreiðslumaður í eldhúsið okkar.
Um er að ræða 100% starfshlutfall. Greitt er eftir kjarasamningi Sameykis og Samtaka fyrirtækja í velferðarþjónustu.
Vinnutíminn er 7:00-14:00 fjóra virka daga og aðra hverja helgi. Vaktafrí er á fimmtudegi fyrir vinnuhelgi og á mánudegi eftir vinnuhelgi.
Starfslýsing:
Matartæknir ber ábyrgð á faglegu og rekstrarlegu skipulagi og stjórnun eldhúss í samvinnu við yfirmatreiðslumann eldhússins. Hann hefur auk þess umsjón með daglegum rekstri, gæðum og ástandi véla, matvæla og tækjabúnaðar í samvinnu við yfirmatreiðslumann eldhússins.
Menntunar- og hæfnikröfur:
- Menntun/reynsla í að útbúa sérfæði
- Skipulagshæfni og sjálfstæð vinnubrögð
- Stundvísi og metnaður í starfi
- Góðir samskiptahæfileikar og jákvæðni
- Íslenskukunnátta skilyrði
Á hjúkrunarheimilum Grundarheimilanna vinnur stór og samheldinn hópur starfsmanna að því að hlúa að öldruðum og sjúkum af alúð. Vellíðan, virðing og vinátta eru höfð að leiðarljósi í samskiptum og lögð er áhersla á góðan vinnuanda, sjálfstæð vinnubrögð og heimilislegt umhverfi.
Með umsókn skal fylgja ferilskrá og kynningarbréf. Öll kyn eru hvött til að sækja um starfið. Gott er að viðkomandi geti hafið störf sem fyrst.
Nánari upplýsingar um starfið veitir
Rakel Rós Geirsdóttir, deildarstjóri eldhúsa Grundarheimilanna
Við hlökkum til að heyra frá þér !
Íslenska
