Áhugaverð tæknistörf við framkvæmdir á Austursvæði

Við leitum að nýjum liðsmönnum í teymi svæðismiðstöðvar Vegagerðarinnar á Reyðarfirði. Teymin hafa annars vegar umsjón og eftirlit með þjónustu á vegakerfinu og hins vegar með viðhaldi og framkvæmdum í vegagerð. Störfin fela í sér ferðalög og þurfa umsækjendur að vera tilbúnir til að sinna verkefnum á öllu Austursvæði. Austursvæði nær frá Vopnafirði, um Möðrudalsöræfi og Fljótsdalshérað, suður með Austfjörðum um Hornafjörð og vestur fyrir Gígju á Skeiðarársandi.

Þjónustudeild hefur umsjón með verkefnum sem flokkast undir þjónustu á vegum, þ.m.t. landsvegum og jarðgöngum á svæðinu. Viðhald malarvega, efnisvinnsla, rekstur þjónustustöðvar í Fellbæ, Reyðarfirði og Höfn.

• Undirbúningur, áætlanagerð og umsjón vegna þjónustuverka og viðhald malarvega
• Verðkannanir / útboðs- og verklýsingar
• Kostnaðareftirlit

Umsjónardeild hefur umsjón og eftirlit með þeim framkvæmdum sem tilheyra svæðinu ásamt viðhaldi bundinna slitlaga, styrkingar og endurbætur ásamt efnisvinnslu.

• Umsjón og eftirlit með nýframkvæmdum og viðhaldi vega
• Rýni útboðsgagna í nýframkvæmdum
• Skýrslugerð tengd framkvæmdum og viðhaldi
• Mælingar tengdar framkvæmdum og undirbúningi verka